पवन साळवे
गवळवाडी : जिल्हा परिषद प्राथमिक शाळा, गवळवाडी येथे डॉ. अमृता सूरज चवंडके व चवंडके परिवाराच्या वतीने मोफत रक्तगट तपासणी, नेत्र तपासणी आणि रक्तदान शिबिराचे आयोजन करण्यात आले. सुहास अण्णा कांदे व अंजुम कांदे यांच्या प्रेरणेतून या समाजोपयोगी उपक्रमाची सुरुवात करण्यात आली.
या शिबिरात शाळेतील सर्व विद्यार्थ्यांची मोफत रक्तगट तपासणी करण्यात आली. तसेच गावातील ज्येष्ठ नागरिक आणि महिलांची मोफत नेत्र तपासणी करण्यात आली. यावेळी अनेक रक्तदात्यांनी रक्तदान करून सामाजिक बांधिलकी जपली.
या कार्यक्रमामध्ये नांदगावचे पोलीस निरीक्षक यशवंत सोळसे यांची प्रमुख उपस्थिती होती.शिबिरासाठी श्री साईनाथ ब्लड सेंटर तसेच रेडियंट प्लस हॉस्पिटल यांचे सहकार्य लाभले. ग्रामस्थांनी शिबिराला उत्स्फूर्त प्रतिसाद दिला.
दरम्यान, गवळवाडी येथील गायत्री झारखंडे यांची पोलीस सेवेत निवड झाल्याबद्दल त्यांचा सत्कार करण्यात आला. तसेच जिल्हा ज्ञानरत्न पुरस्कार मिळाल्याबद्दल जिल्हा परिषद प्राथमिक शाळेतील शिक्षक अतुल तायडे यांचाही यावेळी सन्मान करण्यात आला.
विद्यार्थी, महिला, ज्येष्ठ नागरिक आणि रक्तदात्यांसाठी आरोग्यविषयक सुविधा एकाच ठिकाणी उपलब्ध करून दिल्याबद्दल ग्रामस्थांनी डॉ. अमृता सूरज चवंडके व चवंडके परिवाराचे कौतुक केले.
✍🏻मुख्य संपादक – संदिप बारटक्के
