✍️ संदिप बारटक्के
दौंड : दौंड नगरपालिकेच्या साठवण तलावातील पाणीसाठा कमी झाल्यामुळे शहराच्या नियमित पाणीपुरवठ्यावर परिणाम होण्याची शक्यता निर्माण झाली असून, नागरिकांची गैरसोय टाळण्यासाठी साठवण तलावात तातडीने पाणी सोडण्यात यावे, अशी मागणी दौंड नगरपरिषदेच्या नगरसेवकांनी आमदार राहुल कुल यांच्याकडे केली आहे. यासंदर्भात नगरसेवकांच्या वतीने निवेदन देण्यात आले असून, संबंधित जलसंपदा विभागाच्या अधिकाऱ्यांना तातडीने निर्देश देण्याची विनंती करण्यात आली आहे.
दौंड शहरातील नागरिकांना नियमित आणि सुरळीत पाणीपुरवठा होणे आवश्यक आहे. मात्र, साठवण तलावातील पाणीसाठा कमी झाल्याने पाणीपुरवठ्याचे नियोजन करताना अडचणी निर्माण होत आहेत. शहरातील नागरिकांना पाण्यासाठी गैरसोयीचा सामना करावा लागू नये, यासाठी प्रशासनाने वेळीच उपाययोजना करणे गरजेचे असल्याचे नगरसेवकांनी निवेदनात म्हटले आहे.
दौंड शहराच्या पाणीपुरवठ्याचा प्रश्न लक्षात घेता आमदार राहुल कुल यांनी या प्रकरणात तातडीने लक्ष घालावे, तसेच संबंधित जलसंपदा विभागाच्या अधिकाऱ्यांना दौंड नगरपालिकेच्या साठवण तलावात पाणी सोडण्याबाबत आवश्यक निर्देश द्यावेत, अशी मागणी करण्यात आली आहे. तलावात वेळेत पाणी उपलब्ध झाल्यास शहराचा पाणीपुरवठा सुरळीत ठेवण्यास मदत होईल आणि नागरिकांची गैरसोय टाळता येईल, अशी अपेक्षा नगरसेवकांनी व्यक्त केली आहे.
दौंड शहरातील पाणीपुरवठ्याचा प्रश्न गंभीर होण्यापूर्वीच त्यावर उपाययोजना व्हाव्यात, या उद्देशाने नगरपरिषदेतील नगरसेवकांनी एकत्र येत ही मागणी केली आहे. नागरिकांना नियमित पाणीपुरवठा मिळणे ही महत्त्वाची गरज असून, या प्रश्नाकडे संबंधित विभागाने गांभीर्याने लक्ष देऊन तातडीने कार्यवाही करावी, अशी भूमिका नगरसेवकांनी मांडली आहे.
या निवेदनावर दौंड नगरपरिषदेचे नगरसेवक तथा गटनेते योगेश कटारिया, नगरपरिषदेच्या उपनगराध्यक्षा छाया दीपक थोरात, तसेच नगरसेविका नामिरा शाहीद पानसरे, नगरसेवक अर्थव अभय सरनोत, नगरसेविका सरोज बबलू कांबळे, नगरसेवक शाहनवाज खान, नगरसेविका रचिता रूपेश कटारिया, नगरसेवक रोहित राजेश पाटील, नगरसेवक सागर जगताप, नगरसेविका कार्तिकी अनिल सोनवणे, नगरसेवक वसीम शेख, नगरसेविका रेणुका विजय थोरात, नगरसेविका वैशाली विशाल माशाळकर, नगरसेविका मनीषा पॉल जाधव, नगरसेवक निलेश पवार, नगरसेवक विजय बोरकर, नगरसेविका ज्योती अजय राऊत, नगरसेवक अमोल काळे आणि नगरसेवक राजू बारवकर यांच्या स्वाक्षऱ्या आहेत.
✍🏻मुख्य संपादक – संदिप बारटक्के
