वृत्तवेध मarathi / संदिप बारटक्के
दौंड : ज्ञान, जिद्द आणि अथक परिश्रम यांच्या जोरावर यशाची शिखरे सर करणारे दौंडचे सुपुत्र डॉ. बबन सुरेश माने यांनी शिक्षण क्षेत्रात मानाचा तुरा रोवला आहे.
सावित्रीबाई फुले पुणे विद्यापीठ यांच्या वतीने त्यांना वाणिज्य (Commerce) विषयात सर्वोच्च मानली जाणारी ‘पीएच.डी.’ पदवी प्रदान करण्यात आली आहे.
डॉ. माने यांनी “Impact Analysis of Selected Welfare Schemes Implemented by Pune Municipal Corporation” या सामाजिकदृष्ट्या अत्यंत महत्त्वपूर्ण विषयावर संशोधन करून आपली बौद्धिक क्षमता सिद्ध केली. या संशोधनासाठी त्यांना प्रा. डॉ. व्ही. बी. बैरागी यांचे मार्गदर्शन लाभले. त्यांचे संशोधन कार्य पद्मश्री विखे पाटील कॉलेज येथे यशस्वीरीत्या पूर्ण झाले.
विशेष म्हणजे, डॉ. माने यांची शैक्षणिक वाटचाल अत्यंत भव्य आहे. त्यांनी B.Com, M.Com, MBA (Finance व HR), BA, MA यांसारख्या अनेक पदव्यांसह DTL, GDC&A, B.Ed पूर्ण केले आहेत. तसेच SET, NET (Commerce) आणि NET (Economics) सारख्या कठीण परीक्षांमध्येही त्यांनी उल्लेखनीय यश संपादन केले आहे.
केवळ जिद्द, चिकाटी आणि अखंड परिश्रम यांच्या बळावर मिळवलेले हे यश दौंडसाठी अभिमानास्पद ठरले असून, त्यांच्या या अफाट ज्ञानसाधनेबद्दल सर्व स्तरांतून अभिनंदनाचा वर्षाव होत आहे.
✍🏻मुख्य संपादक – संदिप बारटक्के
