वृत्तवेध मarathi / संदिप बारटक्के
दौंड – सिद्धटेक या मुख्य मार्गावर,आलेगाव येथील खंडोबा मंदिराजवळ समीर काळे यांच्या शेतापाशी ट्रॅक्टर-ट्रेलर पलटी होण्याची घटना गुरुवारी (ता.२५) घडली. या अपघातामागील मुख्य कारण म्हणजे वाहनांमधून होणारा अतिशय भयंकर व कर्कश साऊंड. अशा आवाजामुळे चालकांचे पुढील रस्त्याकडे लक्ष राहत नाही तसेच आरशात मागील वाहने येत आहेत की नाही याचा अंदाज लागत नाही.
या अपघाताच्या वेळी मागील बाजूने दुचाकीवरून दोन जण जात असता हा भयंकर अपघात घडला असता मात्र, सुदैवाने दुचाकी वरील प्रवासी यावेळी थोडक्यात बचावले. मात्र अशा प्रकारच्या आवाजामुळे मोठ्या वाहनांचे, विशेषतः डबल ट्रेलरचे नियंत्रण राखणे कठीण होते. अचानक थांबणे शक्य नसल्याने मोठ्या अपघाताची शक्यता वाढते.
कारखाना रोड, धुमाळ फाटा किंवा मुख्य रस्त्यावरून जाणाऱ्या वाहनचालकांना आवर्जून आवाहन करण्यात येते की, विनाकारण मोठ्या आवाजाचा साऊंड वापरू नका. समोरून किंवा मागून येणाऱ्या वाहनांना योग्य साईट देताना अचानक थांबू नका. सुरक्षित अंतर व योग्य जागा पाहूनच इशारा द्यावा.
भयंकर आवाजामुळे स्वतःलाच काही ऐकू येत नाही आणि त्यामुळे मागून येणाऱ्या वाहनांचा अंदाज लागत नाही. अशा निष्काळजीपणामुळे गंभीर अपघात होऊ शकतो. स्वतःची आणि इतरांची सुरक्षितता लक्षात घेऊन वाहन चालवा, हाच खरा सुरक्षिततेचा मंत्र आहे.
✍🏻मुख्य संपादक – संदिप बारटक्के
