✍️ संदिप बारटक्के
दौंड : श्री गणेश आरोग्याचा आरोग्य अभियान–२०२६ अंतर्गत मुख्यमंत्री सहाय्यता निधी व धर्मादाय रुग्णालयाला मदत फंडाच्या माध्यमातून सामुदायिक आरोग्य तपासणी शिबिराचे आयोजन करण्यात आले. नागरी आरोग्य वर्धिनी केंद्र, बेबेल कॉलनी, इंदवाड रोड, दौंड आणि बुधराणी हॉस्पिटल, पुणे यांच्या संयुक्त विद्यमाने हे शिबिर घेण्यात आले.
या शिबिराचे उद्घाटन दौंड नगरीच्या उपनगराध्यक्षा छाया थोरात तसेच प्रभाग क्रमांक १ च्या नगरसेविका नमिरा पानसरे यांच्या हस्ते झाले.
यावेळी भाजप दौंड शहराध्यक्ष रितेश ओझा, शहर उपाध्यक्ष राहुल भंडारी, नागेश बेलुरकर, प्रकाश पारदसानी, रवी बंड, तसेच भाजप दौंड शहर महिला मोर्चाच्या शहराध्यक्ष मोनाली वीर आणि उपाध्यक्षा सीमा शेंडे यांची प्रमुख उपस्थिती होती.
कार्यक्रमाला दौंड नगरीच्या नगरसेविका वैशाली माशाळकर, सामाजिक कार्यकर्ते युनूस पानसरे, आशिष मेमाणे, तसेच रुपेश कटारिया आणि रमेश कटारिया यांनीही भेट देऊन शिबिराला शुभेच्छा दिल्या.
शिबिरामध्ये मोफत नेत्र तपासणी, मोफत रक्त तपासणी व सल्ला, मोतीबिंदू तपासणी व मार्गदर्शन, विविध डोळ्यांच्या आजारांची तपासणी, तसेच महिला, बालक आणि तज्ज्ञ डॉक्टरांकडून आरोग्य तपासणी व मार्गदर्शन अशा विविध सुविधा उपलब्ध करून देण्यात आल्या.
या उपक्रमाचा १०० हून अधिक नागरिकांनी नेत्र तपासणीचा लाभ, तर २५० हून अधिक नागरिकांनी आरोग्य तपासणी शिबिराचा लाभ घेतला. नागरिकांनी या उपक्रमाला उत्स्फूर्त प्रतिसाद दिला.
सर्वसामान्य नागरिकांना आरोग्याच्या सुविधा त्यांच्या जवळच उपलब्ध करून देण्याच्या उद्देशाने आयोजित करण्यात आलेल्या या शिबिरामुळे नागरिकांना विविध आरोग्यविषयक तपासण्या आणि तज्ज्ञांचे मार्गदर्शन एकाच ठिकाणी मिळाले.
या आरोग्य शिबिराच्या यशस्वी आयोजनासाठी गणेश हॉस्पिटलच्या साई गौरी कुल तसेच त्यांच्या संपूर्ण टीम चे विशेष आभार मानण्यात आले. त्यांच्या सहकार्यामुळे हा आरोग्य उपक्रम अधिक व्यापक स्वरूपात पार पडला.
“आपले आरोग्य… आपली जबाबदारी!” या संदेशातून नागरिकांनी नियमित आरोग्य तपासणी करून आपल्या आरोग्याची काळजी घ्यावी, असे आवाहन यावेळी करण्यात आले.
✍🏻मुख्य संपादक – संदिप बारटक्के
