✍️ संदिप बारटक्के
दौंड : दौंड शहरातील महिलांना विविध उपयुक्त कौशल्यांचे प्रशिक्षण मिळावे, त्यांच्या कलागुणांना वाव मिळावा तसेच महिलांनी आत्मविश्वासाने स्वावलंबनाच्या दिशेने वाटचाल करावी, या उद्देशाने नगराध्यक्ष दुर्गादेवी इंद्रजित जगदाळे यांच्या पुढाकारातून ‘गणपती स्पेशल’ अंतर्गत महिलांसाठी विशेष कौशल्य प्रशिक्षण उपक्रमाचे आयोजन करण्यात आले आहे.
१ ते ७ सप्टेंबर या कालावधीत दररोज दुपारी २ ते ४ या वेळेत विविध कौशल्यांचे प्रशिक्षण देण्यात येणार आहे. विशेष म्हणजे प्रत्येक प्रशिक्षण पूर्णपणे मोफत असणार आहे.
या उपक्रमामध्ये रांगोळी स्टिकर व वुलन रांगोळी मॅट, फ्लॉवर मेकिंग, नथ मेकिंग, साडी ड्रेपिंग, पूजा थाळी बनविणे, सुपारी बनविणे, फॅब्रिक पेंटिंग, सेल्फ मेकअप, रांगोळी प्रशिक्षण तसेच आरी वर्क आदी विविध कौशल्यांचे प्रशिक्षण महिलांना मिळणार आहे.
१ सप्टेंबर – रांगोळी स्टिकर / वुलन रांगोळी मॅट
२ सप्टेंबर – फ्लॉवर मेकिंग
३ सप्टेंबर – नथ मेकिंग / साडी ड्रेपिंग
४ सप्टेंबर – पूजा थाळी / साडी ड्रेपिंग / सुपारी बनविणे
५ सप्टेंबर – फॅब्रिक पेंटिंग / सेल्फ मेकअप
६ सप्टेंबर – रांगोळी प्रशिक्षण
७ सप्टेंबर – आरी वर्क प्रशिक्षण
स्थळ : हुतात्मा चौक, जुनी नगरपालिका, जनकल्याण ऑफिस
दौंड शहरातील जास्तीत जास्त महिलांनी या उपक्रमाचा लाभ घ्यावा, आपल्या कलागुणांना कौशल्याची जोड द्यावी आणि भविष्यात या कौशल्याचा उपयोग करून स्वतःच्या पायावर उभे राहण्याची संधी निर्माण करावी, असे आवाहन नगराध्यक्षा दुर्गादेवी इंद्रजित जगदाळे यांनी केले आहे.
या प्रशिक्षणासाठी जागा मर्यादित असून इच्छुक महिलांनी लवकरात लवकर नोंदणी करावी.
📞 नोंदणीसाठी संपर्क :
95035 91661 | 88069 59327
98819 86888 | 81492 43010
महिलांचे कौशल्य, महिलांचा आत्मविश्वास आणि महिलांचे स्वावलंबन” या उद्देशाने राबविण्यात येणारा हा उपक्रम गणेशोत्सवाच्या पार्श्वभूमीवर महिलांसाठी एक उपयुक्त आणि सकारात्मक संधी ठरणार आहे.
✍🏻मुख्य संपादक – संदिप बारटक्के
