वृत्तवेध मarathi / संदिप बारटक्के
दौंड — दौंड पोलीस स्टेशन हद्दीत एक धक्कादायक चोरीची घटना उघडकीस आली आहे. याप्रकरणी अज्ञात चोरट्याविरोधात गुन्हा दाखल करण्यात आला आहे.
फिर्यादी भानुदास रामदास औताडे (वय 75 वर्षे), रा. देऊळगाव राजे, ता. दौंड, जि. पुणे) यांनी दिलेल्या फिर्यादीनुसार, गुरुवारी (दि.२) सकाळी सुमारे १० वाजण्याच्या सुमारास देऊळगाव राजे येथील सिद्धेश्वर महादेव मंदिरात चोरीची घटना घडली.
मंदिरातील काचेच्या कपाटामध्ये ठेवलेला सुमारे ३ किलो वजनाचा, नागाच्या फणीची आकृती व खडे जडवलेला चांदीचा मुकुट (किंमत अंदाजे १,९५,००० रुपये) अज्ञात चोरट्याने कपाटाचा दरवाजा उघडून चोरी करून नेला. या घटनेमुळे परिसरात एकच खळबळ उडाली असून, मंदिराच्या सुरक्षेबाबत प्रश्नचिन्ह निर्माण झाला आहे.
सदर प्रकरणी पोलीस हवालदार शिंदे (ब.नं. 3326) यांनी गुन्हा दाखल केला असून, पुढील तपास पोलीस हवालदार विनोद चव्हाण (ब.नं. 286) करीत आहेत.
पोलीसांनी अज्ञात चोरट्यांचा शोध सुरू केला असून, परिसरातील सीसीटीव्ही फुटेज व इतर पुराव्यांच्या आधारे तपासाची चक्रे वेगाने फिरू लागली आहेत.
✍🏻मुख्य संपादक – संदिप बारटक्के
