वृत्तवेध मarathi /संदिप बारटक्के
दौंड — दौंड शहरामध्ये गुरु गोविंदसिंह जयंती उत्साहात साजरी करण्यात आली. यावेळी वाहेगुरु सेवा संस्थेकडून मानव सेवेचा संदेश देणाऱ्या रक्तदान शिबीराचे आयोजन करण्यात आले होते. ११० रक्तदात्यांनी रक्तदान करून मानवसेवेत मोलाचे योगदान दिले. यावेळी प्रत्येक रक्तदात्यास ट्रॅव्हलिंग भेटवस्तू देऊन गौरविण्यात आले. दौंड येथील रोटरी ब्लड बँकेच्या माध्यमातून रक्तपिशव्यांचे संकलन करण्यात आले.
या प्रसंगी पोलीस निरीक्षक गोपाळ पवार यांनी रक्तदान शिबिराचे उद्घाटन केले. यावेळी त्यांनी वाहेगुरू सेवा संस्थेच्या सामाजिक सेवाकार्याचे मनापासून कौतुक केले.
वाहेगुरू सेवा संस्थेचे प्रमुख श्री राम दावरा यांनी या रक्तदान शिबिराचे संपूर्ण नियोजन यशस्वीरीत्या पार पाडले. तसेच संस्थेचे आकाश नानवाणी, दिनेश गिदवाणी, अविनाश नानवाणी, पवन छाबरा, विवान कुकरेजा, प्रकाश पारदासनी, मोहित अहुजा, रोशन अहुजा, आकाश अंदानी, अशोक नारंग, भरत दावरा तसेच इतर अनेक सहकाऱ्यांनी या रक्तदान शिबिरात मोलाचे सहकार्य केले.
✍🏻मुख्य संपादक – संदिप बारटक्के
