वृत्तवेध मarathi/ संदिप बारटक्के
दौंड : शहरातील प्रलंबित स्ट्रीट लाईट व विद्युत पोल संदर्भातील कामांना अखेर गती मिळाली असून वृत्तवेध मarathi च्या बातमी बरोबरच नगरसेविका स्वाती निलेश सावंत यांच्या आक्रमक भूमिकेमुळे संबंधित कामांना प्रत्यक्ष सुरूवात झाल्याचे समोर आले आहे.
गुरुवारी (दि.२६) रोजी वृत्तवेध मarathi ने
“करार झाला… पण काम कुठे”| स्ट्रीट लाईट कामात ठेकेदाराची दिरंगाई? ‘या’ नगरसेविकेचा प्रशासनाला थेट सवाल ,,,,या माथळा खाली बातमी प्रसिद्ध केली होती.
दौंड शहरातील विविध प्रभागांमध्ये स्ट्रीट लाईट बंद, विद्युत पोल दुरुस्ती प्रलंबित तसेच नवीन लाईट बसविण्याची मागणी प्रलंबित असल्यामुळे नागरिकांना मोठ्या अडचणींचा सामना करावा लागत होता. या संदर्भात नगरसेविका स्वाती सावंत यांनी वेळोवेळी नगरपालिका प्रशासनाकडे लेखी व तोंडी पाठपुरावा केला होता.
तसेच संबंधित ठेकेदारांकडून कामात होत असलेल्या दिरंगाईबाबत त्यांनी तीव्र नाराजी व्यक्त करत तात्काळ कारवाईची मागणी केली होती.
यानंतर वृत्तवेध मarathi ने आवाज उठवला व या विषयाला प्राधान्याने प्रसिद्धी देत प्रशासनाचे लक्ष वेधले.
या दुहेरी दबावामुळे अखेर नगरपालिका प्रशासन व संबंधित ठेकेदार सक्रिय झाले असून शहरातील विविध भागांमध्ये स्ट्रीट लाईट दुरुस्ती, नवीन एलईडी बसविणे व विद्युत पोलची कामे सुरू झाली. प्रत्यक्षात आज प्रभाग क्रमांक ७ मध्ये काम सुरू झाले आहे.
नगरसेविका स्वाती निलेश सावंत यांनी सांगितले की, “नागरिकांच्या मूलभूत सुविधा प्राधान्याने पूर्ण होणे गरजेचे आहे. कामे वेळेत व दर्जेदार पद्धतीने पूर्ण व्हावीत, यासाठी माझा पाठपुरावा सुरूच राहणार आहे.”
दरम्यान, सुरू झालेली कामे लवकरात लवकर पूर्ण करून शहरातील अंधाराची समस्या कायमची दूर करावी, अशी अपेक्षा नागरिकांकडून व्यक्त केली जात आहे.
✍🏻मुख्य संपादक – संदिप बारटक्के
