वृत्तवेध मarathi / संदिप बारटक्के
दौंड : भीम कन्या ग्रुपच्या वतीने याही वर्षी बुद्ध पौर्णिमा, महाराष्ट्र दिन आणि कामगार दिनानिमित्त विविध सामाजिक उपक्रम राबविण्यात आले. महाबोधी प्रबोधन संघ, दौंड येथे तसेच शहरातील विविध ठिकाणी खीर वाटप करण्यात आली.
बुद्ध पौर्णिमेनिमित्त ज्या-ज्या ठिकाणी धार्मिक व सामाजिक कार्यक्रमांचे आयोजन करण्यात आले होते, त्या सर्व कार्यक्रमांमध्ये भीम कन्या ग्रुपच्या सदस्यांनी उत्स्फूर्त सहभाग नोंदविला. भारतीय बौद्ध महासभेच्या वतीने आयोजित “धम्म पहाट” उपक्रमातही सर्व भीमकन्या उपस्थित राहून धम्मकार्याला साथ दिली.
भीम कन्या ग्रुपच्या संस्थापक अध्यक्षा रोहिणी ढवळे यांनी सर्व सहकारी व सहभागी महिलांचे आभार मानले. यावेळी माजी नगरसेविका उल्का कांबळे, अद्विका फाउंडेशनच्या अध्यक्षा नीना जोसेफ, ग्राहक फाउंडेशन पुणे जिल्हाध्यक्ष सविता सोनवणे, सामाजिक कार्यकर्त्या जयश्री माने, आरपीआय अध्यक्षा आशा मोहिते, पोलीस पाटील नीता वाघमारे, माधुरी ढवळे, अंजली चंदनशिवे, योगिता रणशृंगारे, शामल आढाव, मीरा जानराव, टीना बेंगळे, करुणा शिंदे, राधा कोडाची, चंदा रसाळ आदींसह सर्व भीमकन्यांनी मोठ्या प्रमाणात सहभाग घेतला.
तसेच डॉ. बाबासाहेब आंबेडकर जयंतीनिमित्त भीम कन्या ग्रुपच्या वतीने ज्योती मोकळ यांच्या “स्नेहज्योत” वृद्धाश्रमाला भेट देण्यात आली. यावेळी वृद्धाश्रमातील ज्येष्ठ नागरिकांना मदतीचा हात देत सामाजिक बांधिलकी जपण्यात आली.
✍🏻मुख्य संपादक – संदिप बारटक्के
