वृत्तवेध मarathi/ संदिप बारटक्के
गुरुकुल शिक्षण संस्था संचलित कै. एम. व्ही. भागवत माध्यमिक व उच्च माध्यमिक विद्यालय, पाटस (ता. दौंड, जि. पुणे) येथे क्रांतीज्योती सावित्रीबाई फुले यांची १९५ वी जयंती बालदिन म्हणून अत्यंत उत्साहात साजरी करण्यात आली.
या कार्यक्रमाच्या अध्यक्षस्थानी विद्यालयाचे प्राचार्य मा. श्री. विठ्ठल खामकर सर होते. यावेळी शाळा समितीचे अध्यक्ष सोनवणे गुरुजी, पाटस गावच्या विद्यमान सरपंच इंदुमती शितोळे, माजी सरपंच व विद्यमान ग्रामपंचायत सदस्या सौ. तृप्तीताई भंडलकर, उपसरपंच बाबा कोळेकर, माजी उपसरपंच श्री. अरुण अण्णा भागवत, श्री. स्वप्निल भागवत, सौ. छायाताई भागवत, डॉक्टर चव्हाण मॅडम, समाजसेवक श्री. गुलाब भागवत, सत्कर्म फाउंडेशनचे अध्यक्ष श्री. अशोक नागरगोजे तसेच पालक, शिक्षक-शिक्षिका व विद्यार्थी मोठ्या संख्येने उपस्थित होते.
सर्व मान्यवरांच्या शुभहस्ते क्रांतीज्योती सावित्रीबाई फुले यांच्या प्रतिमेस पुष्पहार अर्पण करण्यात आला. यावेळी विद्यालयातील सर्व महिला शिक्षकांचा व उपस्थित मान्यवरांचा प्राचार्य विठ्ठल खामकर सर यांच्या हस्ते सन्मान करण्यात आला.
कार्यक्रमात विद्यार्थिनींनी सावित्रीबाई फुले यांच्या जीवनावर आधारित पथनाट्य सादर केले. अनेक विद्यार्थिनी सावित्रीबाई फुले यांची वेशभूषा परिधान करून सहभागी झाल्या होत्या. विद्यार्थ्यांनी त्यांच्या शैक्षणिक व सामाजिक कार्यावर मनोगत व्यक्त करून कार्यक्रमाची शोभा वाढवली.
तसेच शुक्रवार, दि. २ जानेवारी रोजी जयंतीनिमित्त रांगोळी स्पर्धा तसेच विद्यार्थिनी व शिक्षिकांसाठी मनोरंजनात्मक खेळांचे आयोजन करण्यात आले होते.
या कार्यक्रमाचे सूत्रसंचालन सांस्कृतिक विभाग प्रमुख श्री. कोळेकर सर यांनी केले. कार्यक्रमाच्या यशस्वीतेसाठी सर्व शिक्षक, शिक्षिका, शिक्षकेतर कर्मचारी व कर्मचाऱ्यांनी मोलाचे योगदान दिले. कार्यक्रमास बहुसंख्य पालक व मान्यवर उपस्थित होते.
✍🏻मुख्य संपादक – संदिप बारटक्के
