वृत्तवेध मarathi / संदिप बारटक्के
नागपूर : शिंपी समाजाच्या ऐक्याचा आणि राष्ट्रीय एकात्मतेचा भव्य सोहळा ठरणारे ‘संत नामदेव महाराज राष्ट्रीय एकात्मता विश्व महासंमेलन’ रविवारी २२ फेब्रुवारी रोजी नागपूर येथील ऐतिहासिक रेशिमबाग मैदानावर आयोजित करण्यात आले आहे.
संपूर्ण भारतातील शिंपी समाजाच्या सर्व पोटजाती या महासंमेलनाच्या निमित्ताने एकत्र येणार असून समाज एकतेचा संदेश देशभर पोहोचविण्यात येणार आहे.
या महासंमेलनास राजस्थान येथील पद्मश्री राजकिशोर छीपा डेरावाला, गुजरात येथील पद्मश्री Kannubhai Tailor, तसेच गुजरातचे समाजनेते Pravinbhai Darji यांच्यासह संत मंडळी, विविध राज्यांतील राजकीय व सामाजिक क्षेत्रातील मान्यवर, भजनी मंडळे आणि समाजातील प्रतिभावान बांधव सहभागी होणार आहेत.
कार्यक्रमात संत नामदेव विश्व पुरस्काराने केंद्रीय मंत्री नितीन गडकरी (सड़क परिवहन व राजमार्ग मंत्रालय, भारत सरकार) यांचा गौरव करण्यात येणार आहे.
या सोहळ्यास राज्य व केंद्र स्तरावरील अनेक मान्यवरांची उपस्थिती लाभणार असून त्यामध्ये महाराष्ट्राचे मुख्यमंत्री देवेंद्र फडणवीस, उपमुख्यमंत्री एकनाथ शिंदे,केंद्रीय मंत्री Shivraj Singh Chouhan, केंद्रीय मंत्री Pralhad Joshi, खासदार Praniti Shinde, सरहद्द संस्थेचे अध्यक्ष Sanjay Nahar, खासदार Anil Bonde, आमदार Sanjay Khotkar, आमदार Sulabha Khodke, आमदार Ravi Rana, खासदार Navneet Rana, तसेच ज्येष्ठ अभिनेते Govind Namdev यांचा समावेश आहे.
संतश्रेष्ठ नामदेव महाराजांचे वंशज संत मंडळी, ह.भ.प. जिंतेंद्रनाथ महाराज, स्वामी गोविंदगिरी महाराज, सप्तखंजरी वादक सत्यपाल महाराज, समाजाचे विविध पदाधिकारी, सर्व राष्ट्रीय अध्यक्ष तसेच सामाजिक व शैक्षणिक क्षेत्रातील मान्यवर मोठ्या संख्येने उपस्थित राहणार आहेत.
या महासंमेलनाची माहिती प्रश्चिम महाराष्ट्र प्रमुख संघटक संतोष मुळे यांनी दिली असून देशभरातील शिंपी समाजबांधवांनी मोठ्या संख्येने उपस्थित राहून कार्यक्रम यशस्वी करावा, असे आवाहन करण्यात आले आहे.
✍🏻मुख्य संपादक – संदिप बारटक्के
