वृत्तवेध मarathi / संदिप बारटक्के
दौंड : पुरुषोत्तम मास (अधिक मास) निमित्त भागवत कथा सत्संग मंडळ, दौंड व श्री विठ्ठल प्रासादीक भजनी मंडळ, दौंड यांच्या संयुक्त विद्यमाने आयोजित श्रीमद् भागवत कथा सप्ताहास श्री विठ्ठल मंदिर, दौंड येथे भक्तिमय वातावरणात उत्साहात प्रारंभ झाला.
या कथा सप्ताहासाठी परमपूज्य श्री स्वामी गोविंददेव गिरिजी महाराज (कोषाध्यक्ष, श्रीराम जन्मभूमी तीर्थ क्षेत्र, अयोध्या) यांचे शुभाशीर्वाद लाभले आहेत. कथा प्रवक्ता आचार्य श्री महेशजी व्यास हे आपल्या ओजस्वी वाणीमधून श्रीमद् भागवत महापुराणातील विविध प्रसंग, अध्यात्म, भक्ती, धर्म आणि जीवनमूल्यांचे महत्त्व भाविकांना पटवून देत आहेत.
दिनांक ५ जून ते ११ जून २०२६ या कालावधीत दररोज सायंकाळी ४ ते ८ या वेळेत कथा संपन्न होत असून, कथा श्रवणासाठी दौंड शहरासह परिसरातील भाविक मोठ्या संख्येने उपस्थित राहावे. कथा स्थळी भक्तिमय वातावरण निर्माण झाले असून हरिनामाचा गजर, भजन-कीर्तन आणि भागवत रसपानाचा लाभ भाविकांनी घ्यावा.
आचार्य महेशजी व्यास यांनी कथा निरूपणात श्रीमद् भागवताचे महत्त्व विशद करताना मानव जीवनात सदाचार, सेवा, भक्ती आणि ईश्वरभक्तीचे स्थान अधोरेखित केले. भागवत कथा ही केवळ धार्मिक कार्यक्रम नसून समाजप्रबोधनाचे प्रभावी माध्यम असल्याचे त्यांनी सांगितले.
कार्यक्रमाच्या यशस्वी आयोजनासाठी भागवत कथा सत्संग मंडळ व श्री विठ्ठल प्रासादीक भजनी मंडळाचे पदाधिकारी, सदस्य आणि स्वयंसेवक परिश्रम घेत आहेत. कथेच्या समाप्तीनंतर दररोज महाप्रसादाचे आयोजन करण्यात आले असून भाविकांनी त्याचा लाभ घ्यावा असे राजेंद्र ओझा व रामेश्वर मंत्री यांनी सांगितले आहे.
या पवित्र ज्ञानयज्ञाचा लाभ घेण्यासाठी अधिकाधिक भाविकांनी उपस्थित राहावे, असे आवाहन आयोजकांच्या वतीने करण्यात आले आहे. सदर कार्यक्रमासाठी श्री विठ्ठल प्रासादिक भजनी मंडळाचे अध्यक्ष ॲड. गोपाळ नगरकर व सचिव अशोक जगदाळे यांचे मोलाचे सहकार्य लाभले.
✍🏻मुख्य संपादक – संदिप बारटक्के
