वृत्तवेध मarathi / संदिप बारटक्के
दौंड : जागतिक पर्यावरण दिनाचे औचित्य साधून तसेच माजी नगराध्यक्ष व विद्यमान नगरसेवक योगेश कटारिया यांच्या वाढदिवसानिमित्त क्रीडा संकुल दौंड येथे भव्य वृक्षारोपण कार्यक्रम उत्साहात पार पडला. पर्यावरण संवर्धनाचा संदेश देणाऱ्या या उपक्रमाला शहरातील नागरिकांचा व मान्यवरांचा उत्स्फूर्त प्रतिसाद मिळाला.
कार्यक्रमाची सुरुवात वृक्षारोपणाने करण्यात आली. यावेळी दौंड नगरपालिकेचे मुख्याधिकारी अवधूत तावडे, डॉ. बंगाळे सर, डॉ. शेलार सर, माधव बागल सर, ननवरे सर तसेच शहरातील सर्व मान्यवर नगरसेविका, नगरसेवक व पदाधिकारी उपस्थित होते.
सदर कार्यक्रमाचे आयोजन माजी नगरसेवक व माजी गटनेते राजेश सुरेश गायकवाड यांच्या वतीने करण्यात आले होते. वृक्षप्रेमी म्हणून ओळख असलेल्या राजेश गायकवाड यांनी दौंड शहरात १००० झाडे लावण्याचा संकल्प केला असून त्यादृष्टीने हा उपक्रम महत्त्वपूर्ण ठरत आहे.
यावेळी उपस्थित मान्यवरांनी पर्यावरण संरक्षणासाठी वृक्षारोपणाचे महत्त्व अधोरेखित केले. वाढते प्रदूषण, हवामान बदल आणि पर्यावरणीय असंतुलन यावर मात करण्यासाठी प्रत्येक नागरिकाने किमान एक झाड लावून त्याचे संगोपन करण्याचे आवाहन करण्यात आले.
“एक झाड – हजारो श्वास” आणि “झाडे लावा, झाडे जगवा” या संदेशांद्वारे पर्यावरण संवर्धनाची जनजागृती करण्यात आली. कार्यक्रमाच्या निमित्ताने मोठ्या प्रमाणावर वृक्षारोपण करण्यात आले असून भविष्यातही असे उपक्रम सातत्याने राबविण्याचा निर्धार व्यक्त करण्यात आला.
या उपक्रमामुळे दौंड शहराच्या हरित विकासाला चालना मिळणार असून पर्यावरण संरक्षणाच्या दिशेने एक महत्त्वपूर्ण पाऊल उचलले गेल्याची भावना उपस्थितांनी व्यक्त केली.
✍🏻मुख्य संपादक – संदिप बारटक्के
