वृत्तवेध मarathi / संदिप बारटक्के
दौंड | शहरातील जनतेला परवडणाऱ्या दरात दर्जेदार जेनेरिक औषधे उपलब्ध करून देणाऱ्या दौंड जनआरोग्यम जेनेरिक मेडिकलचा ६ वा वर्धापनदिन मोठ्या उत्साहात साजरा करण्यात आला. यानिमित्त श्रीसत्यनारायण महापूजेचे आयोजन करण्यात आले होते. तसेच नागरिकांच्या आरोग्याची काळजी घेत मोफत बी.पी., शुगर व वजन तपासणी शिबिराचे आयोजन करण्यात आले. या शिबिरास शहरातील नागरिकांनी उत्स्फूर्त प्रतिसाद दिला.
वर्धापनदिनाच्या निमित्ताने ग्राहकांसाठी सर्व जेनेरिक औषधांवर विशेष सवलतीची घोषणा करण्यात आली. दिवसभर ग्राहक, मित्रपरिवार, हितचिंतक आणि मान्यवरांची उपस्थिती लाभल्याने कार्यक्रमाला उत्साहपूर्ण वातावरण लाभले.
गेल्या सहा वर्षांपासून जनआरोग्यम जेनेरिक मेडिकलने “जनसेवा हीच खरी ईश्वर सेवा” या ब्रीदवाक्याचा अवलंब करत सर्वसामान्य नागरिकांना कमी किमतीत गुणवत्तापूर्ण औषधे उपलब्ध करून देण्याचे कार्य सातत्याने केले आहे. ग्राहकांचा वाढता विश्वास आणि पाठिंबा यामुळे मेडिकल दुकानाने यशस्वीपणे सहा वर्षांचा टप्पा पूर्ण केला आहे.
यावेळी उपस्थित सर्व मान्यवर, ग्राहक आणि हितचिंतकांचे आभार व्यक्त करण्यात आले. भविष्यातही उत्कृष्ट सेवा, सामाजिक बांधिलकी जपणारे उपक्रम आणि जनहिताची कार्ये अधिक व्यापक स्वरूपात राबविण्याचा संकल्प अक्षय परदेशी यांनी व्यक्त केला.
दौंड जनआरोग्यम जेनेरिक मेडिकल
📍 स्टेट बँकेजवळ, भंगाळे हॉस्पिटल समोर, दौंड
📞 99756 63737
“आपला विश्वास, आमची सेवा” 🌿💊
“जनसेवा हीच खरी ईश्वर सेवा” 🙏
✍🏻मुख्य संपादक – संदिप बारटक्के
