वृत्तवेध मarathi / संदिप बारटक्के
दौंड : छत्रपती शिवाजी महाराजांच्या जयंतीनिमित्त दौंड शहरात विविध सामाजिक उपक्रमांचे आयोजन करण्यात आले होते. शिवजयंतीच्या पार्श्वभूमीवर छत्रपती डीजे ग्रुपच्या वतीने नागरिकांसाठी आईस्क्रीम वाटपाचा कार्यक्रम उत्साहात संपन्न झाला. या उपक्रमाला दौंड करांचा उत्स्फूर्त प्रतिसाद लाभला.
कार्यक्रमाचे अध्यक्ष अविनाश गाठे यांच्या मार्गदर्शनाखाली संपूर्ण नियोजन करण्यात आले होते. तसेच गणेश घोलप, वैभव कदम आणि राहुल पवार यांनी कार्यक्रमाचे सुयोग्य नियोजन व अंमलबजावणी केली. शिवजयंतीच्या निमित्ताने नागरिकांमध्ये आनंदाचे वातावरण निर्माण झाले होते.
या उपक्रमाद्वारे सामाजिक एकोपा वाढवण्याचा आणि छत्रपती शिवाजी महाराजांच्या विचारांचा प्रसार करण्याचा प्रयत्न करण्यात आला. कार्यक्रमादरम्यान उपस्थितांनी छत्रपती शिवाजी महाराजांना अभिवादन करत त्यांच्या कार्याची आठवण जागवली.
या प्रसंगी मोठ्या संख्येने दौंडकर उपस्थित होते आणि सर्वांनी आईस्क्रीमचा आस्वाद घेत शिवजयंतीचा आनंद लुटला.
✍🏻मुख्य संपादक – संदिप बारटक्के
