वृत्तवेध मarathi /संदिप बारटक्के
दौंड — क्रांतिज्योती सावित्रीबाई फुले व सत्यशोधक मुक्ता साळवे यांच्या संयुक्त जयंतीनिमित्त सकल मातंग समाज, दौंड शहर यांच्या वतीने विद्यार्थ्यांना शालेय साहित्य वाटपाचा सामाजिक व शैक्षणिक कार्यक्रम मोठ्या उत्साहात संपन्न झाला.
शिक्षणातून सामाजिक परिवर्तन घडविण्याचा संदेश देणारा हा उपक्रम उपस्थितांना प्रेरणादायी ठरला.
या कार्यक्रमप्रसंगी दौंड नगरपालिकेच्या नगराध्यक्ष दुर्गादेवी इंद्रजीत जगदाळे पाटील तसेच प्रभाग क्रमांक ६ च्या नगरसेविका सौ. स्वाती निलेश सावंत यांचा नागरी सत्कार करण्यात आला.
यावेळी कार्यक्रमाला निलेश सावंत, राष्ट्रवादी युवक अध्यक्ष निखिल स्वामी, सामाजिक कार्यकर्ते उमेश जगदाळे, पत्रकार अमित कदम यांच्यासह मातंग समाजातील पदाधिकारी, कार्यकर्ते व मोठ्या संख्येने समाजबांधव-भगिनी उपस्थित होते.
यावेळी विशेष उपस्थिती लहुजी यंग ब्रिगेडचे संस्थापक अध्यक्ष नितीन तुपसौंदर्य, लहुजी शक्ती सेनेचे नेते अमित मोरे, मातंग समाजाचे युवा नेते मोहन कांबळे, लहुजी स्तंभ प्रमुख सागर गुंडके, दत्तू घोडे, सोमनाथ आगलावे, साहिल खंडाळे, धीरज दिवटे, शुभम तुपसौंदर्य, अभि मोरे आदी मान्यवर उपस्थित होते.
कार्यक्रमात मार्गदर्शन करताना नगराध्यक्ष दुर्गादेवी जगदाळे पाटील यांनी मातंग समाजातील सर्व प्रलंबित प्रश्न व विकासकामे लवकरच मार्गी लावण्याचे आश्वासन दिले. समाजाच्या सर्वांगीण विकासासाठी दौंड नगरपालिका सदैव सहकार्य करेल, असे त्यांनी नमूद केले.
समाजाच्या विनंतीला मान देत नगराध्यक्ष व नगरसेविकांनी कार्यक्रमाला उपस्थिती दिल्याबद्दल सकल मातंग समाजाच्या वतीने त्यांचे मनःपूर्वक आभार व्यक्त करण्यात आले. कार्यक्रम यशस्वी करण्यासाठी समाजातील पदाधिकारी व कार्यकर्त्यांनी परिश्रम घेतले.
✍🏻मुख्य संपादक – संदिप बारटक्के
