वृत्तवेध मarathi / संदिप बारटक्के
इराण आणि इस्रायलमधील वाढत्या तणावामुळे निर्माण झालेल्या युद्धजन्य परिस्थितीचा परिणाम आंतरराष्ट्रीय विमान सेवांवर झाला असून अनेक उड्डाणे रद्द करण्यात आली आहेत. या पार्श्वभूमीवर भारतीय प्रवाशांना मोठा फटका बसला आहे. दौंड तालुक्यातील काही आरोग्य विमा प्रतिनिधी सध्या दुबई येथे अडकून पडले आहेत.
विमान फेऱ्या रद्द झाल्याने मायदेशी परतण्याचा मार्ग कठीण झाला असून संबंधित प्रवाशांमध्ये चिंता वाढली आहे. दुबईतील Holiday Inn हॉटेलमध्ये वास्तव्यास असलेल्या दौंड तालुक्यातील संपत बनकर तसेच इतरांशी दौंडचे आमदार राहुल कुल यांनी व्हिडिओ कॉलद्वारे संपर्क साधत त्यांची विचारपूस केली.
सध्याची परिस्थिती जाणून घेत संबंधितांना धीर देत सुरक्षितपणे भारतात परत आणण्यासाठी मुख्यमंत्री कार्यालयाशी तातडीने संपर्क साधणार असल्याचे राहुल कुल यांनी सांगितले. तसेच गरज पडल्यास परराष्ट्र मंत्रालयाशीही समन्वय साधून मदत केली जाईल, असे त्यांनी स्पष्ट केले.
✍🏻मुख्य संपादक – संदिप बारटक्के
