अख्तर काझी
दौंड : शहरात बेजबाबदारपणे वाहने चालवुन वाहतूक नियमांचे उल्लंघन करणाऱ्या वाहन चालकांवर दौंड पोलिसांनी कारवाईचा बडगा उगारला.
तसेच वाहतूक नियमाबाबत समुपदेशन ही केले. दौंड -पाटस रोड तसेच दौंड कुरकुंभ रोड या ठिकाणी दौंड पोलीस स्टेशनच्या वाहतूक शाखेतील पोलिसांनी, वाहन चालविताना वाहन चालविण्याचा परवाना न बाळगणे, चार चाकी वाहन चालविताना सीट बेल्ट न वापरणे, आपल्या वाहनातून शालेय विद्यार्थ्यांची वाहतूक करताना प्रमाणापेक्षा जास्त विद्यार्थ्यांची वाहतूक करणे, वाहनांचा विमा नसणे अशा वाहन चालकांवर कारवाई केली.
वाहनांची सर्व कागदपत्रे जवळ बाळगणे, परमिट नसलेल्या गाड्यांना परमिट काढून घेणे, वाहनांची वेळोवेळी पासिंग करून घेणे याबाबत वाहन चालकांना यावेळी सूचना करण्यात आल्या. तसेच या परिसरातील शाळांना भेट देत विद्यार्थ्यांच्या सुरक्षित वाहतुकीबाबत माहिती देण्यात आली.
शहरात अशाच प्रकारे कारवाई सत्र सुरू राहणार असून सर्वांनीच वाहतुकीच्या नियमांचे पालन करावे असे आवाहन दौंड पोलिसांनी केले आहे. सदरची कारवाई पो. निरीक्षक हेमंत शेडगे यांच्या मार्गदर्शनाखाली उपनिरीक्षक चौधरी, पोलीस कॉन्स्टेबल नरळे ,बंडगर व वॉर्डन आकाश शिंदे या पथकाने केली.
✍🏻मुख्य संपादक – संदिप बारटक्के
