वृत्तवेध मarathi/ संदिप बारटक्के
दौंड नगरपरिषदेतील नागरिक हित संरक्षण मंडळ, भाजप, रिपब्लिकन पार्टी ऑफ इंडिया (आठवले साहेब), पीपल्स रिपब्लिकन पार्टी (कवाडे साहेब) यांच्या विकास आघाडीच्या गटनेतेपदी योगेश कटारिया यांची तर उपगटनेतेपदी शहानवाज पठाण यांची बिनविरोध निवड करण्यात आली. त्यांच्या निवडीमुळे दौंड नगरपरिषदेतील राजकीय समीकरणांना नवी दिशा मिळाली असून विकासकेंद्रित राजकारणाला बळ मिळाले आहे.
नुकत्याच झालेल्या नगरसेवकांच्या बैठकीत आघाडीतील सर्व घटक पक्षांच्या नगरसेवकांनी एकमताने योगेश कटारिया यांच्या नावावर शिक्कामोर्तब केले. त्यांच्या अनुभव, संघटन कौशल्य, अभ्यासपूर्ण भूमिका व लोकहिताच्या प्रश्नांवरील ठाम भूमिकेवर विश्वास ठेवून ही जबाबदारी देण्यात आल्याचे यावेळी सांगण्यात आले.
योगेश कटारिया हे सामाजिक, शैक्षणिक व नागरी प्रश्नांमध्ये सक्रिय असून सर्वसामान्य नागरिकांच्या अडचणी सोडवण्यासाठी ते नेहमीच पुढाकार घेताना दिसतात. नगरपरिषदेत त्यांनी यापूर्वीही विविध विषयांवर प्रभावीपणे मते मांडून प्रशासनाचे लक्ष वेधले आहे. त्यांच्या नेतृत्वाखाली गट विकास आघाडी अधिक सक्षमपणे कार्य करेल, असा विश्वास नगरसेवकांनी व्यक्त केला.
गटनेतेपदी निवड झाल्यानंतर श्री. कटारिया यांनी आघाडीतील सर्व सहकाऱ्यांचे आभार मानत सांगितले की, आमदार राहुल कुल व ज्येष्ठ नेते माजी नगराध्यक्ष प्रेमसुख कटारिया यांच्या मार्गदर्शनाखाली “दौंड शहराचा सर्वांगीण विकास, पारदर्शक प्रशासन, मूलभूत सुविधा, स्वच्छता, पाणीपुरवठा, रस्ते, आरोग्य व शिक्षण या विषयांना प्राधान्य देऊन काम केले जाईल. नागरिकांच्या विश्वासाला पात्र ठरेल असे कार्य करण्याचा मी प्रामाणिक प्रयत्न करेन.”
त्यांच्या निवडीबद्दल दौंड शहरातील विविध राजकीय पक्षांचे पदाधिकारी, सामाजिक कार्यकर्ते व नागरिकांनी अभिनंदनाचा वर्षाव केला आहे. अनेकांनी शुभेच्छा देत त्यांच्या नेतृत्वाखाली नगरपरिषदेत सकारात्मक आणि विकासाभिमुख निर्णय होतील, अशी अपेक्षा व्यक्त केली आहे.
योगेश कटारिया यांच्या गटनेतेपदी निवडीमुळे दौंड नगरपरिषदेच्या कामकाजात अधिक समन्वय, गतिमानता व लोकहिताचा दृष्टिकोन दिसून येईल, असा विश्वास व्यक्त केला जात आहे.
✍🏻मुख्य संपादक – संदिप बारटक्के
