वृत्तवेध मarathi / संदिप बारटक्के
दौंड : शहरातील शिवराज नगर परिसरात, शिवाई माता मंदिरासमोर सकल हिंदू समाजाच्या वतीने आयोजित करण्यात आलेले विराट हिंदू संमेलन मोठ्या उत्साहात आणि दिमाखात पार पडले.
या संमेलनाला हिंदू महिला व बांधवांनी हजारोंच्या संख्येने उपस्थिती लावून कार्यक्रमाला भव्य स्वरूप दिले.
या संमेलनात प्रमुख व्याख्याते म्हणून प्रखर हिंदुत्व विचारवंत आणि युवा कीर्तनकार श्री. सोपान कनेरकर, डॉ. सौ. सुनीता कटारिया, श्री. रवींद्र भगत आणि श्री. अमोल देशमुख यांनी प्रभावी मार्गदर्शन केले.
आपल्या ओजस्वी भाषणातून वक्त्यांनी हिंदू संस्कृतीचे महत्त्व, सामाजिक एकजूट आणि धर्मरक्षण याबाबत उपस्थितांना प्रेरित केले.
कार्यक्रमाच्या अध्यक्षस्थानी श्री. संदीपान वाघमोडे होते. तसेच उपाध्यक्ष म्हणून श्री. योगेश डाबी, श्री. निलेश हराळ आणि श्री. विनायक कुलकर्णी यांनी जबाबदारी पार पाडली.
या भव्य संमेलनाचे आयोजन सकल हिंदू समाजाच्या वतीने करण्यात आले होते. कार्यक्रमाच्या यशस्वी आयोजनासाठी आयोजकांनी केलेल्या नियोजनाचे सर्वत्र कौतुक होत असून, दौंड शहरात या संमेलनामुळे एकात्मता आणि धार्मिक जागरूकतेचा संदेश देण्यात आला.
✍🏻मुख्य संपादक – संदिप बारटक्के
