वृत्तवेध मarathi / संदिप बारटक्के
दौंड — जागतिक महिला दिनाचे औचित्य साधून मार्शल आर्ट बॉक्सिंग कराटे ट्रेनिंग स्कूल यांच्या वतीने ज्येष्ठ नागरिक महिलांचा सन्मान सोहळा उत्साहात पार पडला.
या कार्यक्रमात ज्येष्ठ महिलांना पुरस्कार देऊन गौरविण्यात आले. हा पुरस्कार स्वर्गीय सौ. रोहिणी शशिकांत भालेराव यांच्या स्मरणार्थ प्रदान करण्यात आला.
या वेळी श्रीमती सुभद्रा लोटके, श्रीमती गंगाबाई विंचुरकर, श्रीमती रंजना वाकसे, सौ. सुनीता पलंगे, सौ. शोभा पळसकर व सौ. सुमन बाबर यांना पुरस्कार देऊन सन्मानित करण्यात आले. सन्मान स्वीकारताना त्यांच्या चेहऱ्यावर दिसणारा आनंद, समाधान आणि अभिमान पाहून उपस्थितांनाही समाजासाठी उपयुक्त कार्य केल्याची भावना अनुभवायला मिळाली.
तसेच या कार्यक्रमाच्या निमित्ताने विद्यमान महिला नगरसेविकांचा देखील विशेष सन्मान करण्यात आला. माजी नगराध्यक्ष शीतलताई कटारिया, विद्यमान उपनगराध्यक्षा छायाताई थोरात, नगरसेविका रुचिताताई कटारिया, ज्योतीताई राऊत, अमिराताई पानसरे, रेणुकाताई थोरात, वैशालीताई मासाळकर, उज्वलाताई परकाळे तसेच सामाजिक कार्यकर्त्या सरिताताई कुल यांचा सत्कार करण्यात आला.
याशिवाय बी.ई. सोसायटी इंग्लिश मीडियम प्रायमरी स्कूलच्या मुख्याध्यापिका राजश्री पाटील, ओम नर्सरी स्कूलच्या मुख्याध्यापिका लक्ष्मीताई गौडेलर आणि लर्न अँड प्ले स्कूलच्या मुख्याध्यापिका स्वाती मोठे यांचाही सन्मान करण्यात आला.
कार्यक्रमादरम्यान उपस्थित महिलांना स्वसंरक्षणाचे महत्त्व पटवून देत त्यांना प्रत्यक्ष प्रात्यक्षिकासह सेल्फ डिफेन्सचे धडे देण्यात आले. कमी वेळात महिलांनी स्वसंरक्षणाच्या काही महत्त्वाच्या तंत्रांचे शिक्षण घेतले आणि त्या उत्साही व आनंदी झाल्या.
या कार्यक्रमाचे आयोजन वैशाली संतोष सोनवणे यांनी केले होते. कार्यक्रमासाठी शुभांगी सोनवणे, स्नेहल साळवे, विद्या पोकार, सिद्धी लोटके व स्वरा सोनवणे यांचे विशेष सहकार्य लाभले. महिलांच्या सन्मानाचा आणि सशक्तीकरणाचा हा कार्यक्रम अत्यंत प्रेरणादायी ठरला.
✍🏻मुख्य संपादक – संदिप बारटक्के
