वृत्तवेध मarathi / संदिप बारटक्के
दौंड नगरपरिषदेच्या उपनगराध्यक्षपदी नागरिक हित संरक्षण मंडळ, भारतीय जनता पक्ष, रिपब्लिकन पार्टी ऑफ इंडिया (आठवले साहेब गट) आणि पीपल्स रिपब्लिकन पार्टी (कवाडे साहेब गट) यांच्या विकास आघाडीच्या नगरसेविका छाया दिपक थोरात यांची बिनविरोध निवड करण्यात आली.
दौंड नगरपरिषदेच्या सभागृहात पार पडलेल्या विशेष बैठकीत उपनगराध्यक्ष पदासाठी निवड प्रक्रिया पार पडली. या निवडणुकीत एकमेव उमेदवारी अर्ज आल्याने छाया दिपक थोरात यांची उपनगराध्यक्षपदी बिनविरोध निवड जाहीर करण्यात आली. त्यांच्या निवडीचे सभागृहात उपस्थित नगरसेवक, पदाधिकारी व समर्थकांनी स्वागत केले.
निवडीनंतर बोलताना उपनगराध्यक्ष छाया थोरात यांनी सांगितले की, दौंड शहरातील नागरिकांच्या मूलभूत समस्या, स्वच्छता, पाणीपुरवठा, रस्ते, आरोग्य सुविधा तसेच महिला व युवकांसाठीच्या विकासकामांना प्राधान्य देण्यात येईल. सर्व पक्षांच्या सहकार्याने व समन्वयाने दौंड शहराच्या सर्वांगीण विकासासाठी प्रामाणिकपणे काम करणार असल्याचा विश्वास त्यांनी व्यक्त केला.
त्यांच्या या निवडीमुळे विकास आघाडी अधिक बळकट झाली असून आगामी काळात नगरपरिषदेच्या माध्यमातून शहर विकासाला गती मिळेल, अशी अपेक्षा नागरिकांमधून व्यक्त होत आहे.
✍🏻मुख्य संपादक – संदिप बारटक्के
