वृत्तवेध मarathi | संदिप बारटक्के
दौंड | रस्ता सुरक्षेबाबत जनजागृती करण्यासाठी प्रबोधिनी विद्या प्रतिष्ठानच्या लर्न अँड प्ले स्कूल येथे “राईट टू रोड सेफ्टी मिशन” अंतर्गत हेल्मेट वाटपाचा उपक्रम उत्साहात आणि यशस्वीरीत्या पार पडला. हा कार्यक्रम सेवा सहयोग, पुणे यांच्या सहकार्याने आयोजित करण्यात आला होता.
या उपक्रमामध्ये विद्यार्थी व त्यांच्या पालकांना हेल्मेटचे वितरण करण्यात आले. प्रवास करताना सुरक्षेचे महत्त्व पटवून देणे आणि विद्यार्थ्यांमध्ये लहानपणापासून जबाबदारीची जाणीव निर्माण करणे हा या उपक्रमाचा मुख्य उद्देश होता.
कार्यक्रमाला पालकांचा उत्स्फूर्त प्रतिसाद लाभला. उन्हाच्या तीव्रतेतही पालकांनी संयम राखत शिस्तबद्ध पद्धतीने सहभाग नोंदवला. प्रत्येक पालक-विद्यार्थी जोडीला दोन हेल्मेट देण्यात आले, ज्यामुळे या उपक्रमाचे महत्त्व अधिक अधोरेखित झाले.
शाळेच्या वतीने सर्व पालकांचे उपस्थिती व सहकार्याबद्दल संस्थेच्या अध्यक्षा सौ. सविता भोर, मुख्याध्यापक, शिक्षक व विद्यार्थी यांनी मनःपूर्वक आभार व्यक्त केले. तसेच या उपक्रमासाठी सहकार्य करणाऱ्या सेवा सहयोग, पुणे संस्थेचे प्रतिनिधी श्री. रोहित झगडे व समन्वयक श्री. जालिंदर आवारी सर यांचे विशेष कौतुक करण्यात आले.
✍🏻मुख्य संपादक – संदिप बारटक्के
