वृत्तवेध मarathi / संदिप बारटक्के
दौंड – पवित्र अधिकमासाच्या निमित्ताने लोकोशेड श्री हनुमान सेवा प्रतिष्ठानच्या वतीने दौंड शहरातील भक्तांसाठी विशेष धार्मिक यात्रेचे आयोजन करण्यात आले आहे. या यात्रेद्वारे भाविकांना श्री पुरुषोत्तमपुरी येथील भगवान पुरुषोत्तम यांच्या मंदिराचे मोफत दर्शन घेण्याची सुवर्णसंधी उपलब्ध करून देण्यात आली आहे.
ही यात्रा बुधवार दिनांक 10 जून 2026 रोजी आयोजित करण्यात आली असून, मोठ्या संख्येने भाविक सहभागी होणार असल्याची अपेक्षा व्यक्त करण्यात येत आहे. विशेष म्हणजे, भगवान पुरुषोत्तम यांचे संपूर्ण भारतातील एकमेव मंदिर हे फक्त श्री पुरुषोत्तमपुरी येथेच असल्याने या यात्रेला विशेष धार्मिक महत्त्व प्राप्त झाले आहे.
या उपक्रमाचे नेतृत्व संस्थेचे अध्यक्ष प्रवीण भैय्या परदेशी करत असून, “स्वराज्य सहकारातून समृद्धीकडे” या ब्रीदवाक्याच्या माध्यमातून समाजात धार्मिक आणि सामाजिक एकात्मता वाढविण्याचा प्रयत्न केला जात आहे.
यात्रेत सहभागी होऊ इच्छिणाऱ्या भाविकांनी लवकरात लवकर नावनोंदणी करावी, असे आवाहन आयोजकांकडून करण्यात आले आहे. नावनोंदणीसाठी स्वराज्य नागरी सहकारी पतसंस्था, दौंड (जि. पुणे) येथे संपर्क साधावा.
✍🏻मुख्य संपादक – संदिप बारटक्के
