वृत्तवेध मarathi / संदिप बारटक्के
दौंड | भारतीय राज्यघटनेचे शिल्पकार, बोधिसत्व ,विश्वरत्न ,महामानव डॉक्टर बाबासाहेब आंबेडकर जयंती शहरामध्ये मोठ्या जल्लोषात व उत्साहात साजरी करण्यात आली.जयंतीनिमित्ताने दौंड शहरातील डॉ बाबासाहेब आंबेडकर चौकातील बाबासाहेबांच्या स्मारकास हजारो भीम अनुयायांनी अभिवादन केले.
भीम जयंती उत्सवामध्ये शहरातील सर्वच धर्मीयांनी सहभाग नोंदविला. येथील विविध संघटनांच्या वतीने शहरामध्ये सामाजिक व सांस्कृतिक उपक्रमांचे आयोजित करण्यात आले होते.
बाबासाहेबांच्या जयंती निमित्ताने विविध संघटनांच्या वतीने मिरवणुकीचे आयोजन करण्यात आले, मिरवणुकीमध्ये मोठ्या संख्येने भीम अनुयायी सहभागी होते. मिरवणुकीमध्ये सामील भीम भक्तांची सेवा या उद्देशाने शहरातील मुस्लिम समाजाच्या वतीने आंबेडकर चौकामध्ये आईस्क्रीम वाटप करण्यात आले.
यावेळी माजी नगराध्यक्ष बादशाह शेख, सोहेल खान ,आलमगीर मशीदीचे विश्वस्त युसुफ इनामदार, नगरसेवक शहानवाज पठाण , माजी नगरसेवक इस्माईल शेख, शाहिद पानसरे, मतीन शेख ,अनिस इनामदार, अकबर सय्यद, सलीम शेख ,फिरोज तांबोळी, फिरोज खान ,उबेद खान, अल्ताफ सय्यद, तजमुल काझी, एजाज सय्यद, चांद शेख, नौशाद खान, इद्रिस कुरेशी, आफताब सय्यद, आरिफ शेख तसेच यावेळी मुस्लिम बांधवांनी डॉक्टर बाबासाहेबांच्या स्मारकास पुष्पहार अर्पण करून अभिवादन केले.
शहरातील प्रत्येक धर्मियांचा सण, उत्सव, राष्ट्र पुरुषांची जयंती सर्वांनी एकत्र येऊन साजरी करण्याची परंपरा दौंडकरांनी कायम ठेवली.
✍🏻मुख्य संपादक – संदिप बारटक्के
