वृत्तवेध मarathi / संदिप बारटक्के
भारतीय जनता पक्षाच्या दौंड शहरातील पदवाटप सोहळा आमदार राहुल कुल यांच्या नेतृत्वाखाली, जिल्हाध्यक्ष शेखर वढणे यांच्या मार्गदर्शनाखाली दौंड शहराध्यक्ष रितेश ओझा यांनी नविन कार्यकारिणीची घोषणा केली. पदग्रहण सोहळा उत्साहपूर्ण आणि शिस्तबद्ध वातावरणात पार पडला.
यावेळी दौंड शहर भाजपच्या उपाध्यक्षपदी राहुल भंडारी, नागेश बेलुरकर, तन्मय पवार आणि प्रकाश पारदासानी यांची नियुक्ती करण्यात आली.
तसेच भाजप महिला मोर्चा दौंड शहर अध्यक्षपदी मोनाली प्रमोद वीर यांची नियुक्ती जाहीर करण्यात आली. महिला मोर्चाच्या उपाध्यक्षपदी सरिता गौरव कुल, सीमा राहुल शेंडे आणि रिया मनोज रामदासानी यांची निवड करण्यात आली.
याचबरोबर भाजप युवा मोर्चा दौंड शहर अध्यक्षपदी यश किरण कुलथे यांची नियुक्ती करण्यात आली. सर्व नवनियुक्त पदाधिकाऱ्यांना आमदार राहुल कुल यांच्या हस्ते नियुक्तीपत्रांचे वाटप करण्यात आले.
कार्यक्रमास दौंडचे माजी नगराध्यक्ष प्रेमसुख कटारिया, नगरपालिकेचे विद्यमान नगरसेवक व गटनेते योगेश कटारिया, भाजपचे ज्येष्ठ कार्यकर्ते ठोंबरे काका तसेच पक्षाचे पदाधिकारी आणि कार्यकर्ते मोठ्या संख्येने उपस्थित होते.
नवनियुक्त पदाधिकाऱ्यांनी “आधी राष्ट्र, नंतर पक्ष आणि त्यानंतर स्वतः” हा विचार अंगीकारून संघटना अधिक सक्षम करण्यासाठी प्रामाणिकपणे, पारदर्शकतेने व निष्ठेने कार्य करण्याचा निर्धार व्यक्त केला. महिला मोर्चाच्या पदाधिकाऱ्यांनी महिलांच्या हक्कांचे संरक्षण, सक्षमीकरण आणि विकासासाठी कटिबद्ध राहण्याची ग्वाही दिली.
कार्यक्रमाच्या शेवटी सर्व नवनियुक्त पदाधिकाऱ्यांचे अभिनंदन करण्यात आले. उपस्थितांनी आमदार राहुल कुल यांच्या नेतृत्वाखाली, जिल्हाध्यक्ष शेखर वढणे यांच्या मार्गदर्शनाखाली आणि शहराध्यक्ष रितेश ओझा यांच्या नेतृत्वात दौंड शहरातील भाजप संघटना अधिक सक्षम, गतिमान आणि बळकट करण्याचा संकल्प व्यक्त केला.
✍🏻मुख्य संपादक – संदिप बारटक्के
