✍️ संदिप बारटक्के
दौंड : दौंड शहरातील पारंपरिक गावगाडा कार्यक्रमाचे आयोजन दरवर्षीप्रमाणे यावर्षीही उत्साहपूर्ण आणि पारंपरिक वातावरणात करण्यात आले. दौंडच्या सामाजिक व सांस्कृतिक परंपरेचा अविभाज्य भाग असलेल्या या कार्यक्रमास नगराध्यक्ष दुर्गादेवी इंद्रजीत जगदाळे पाटील यांनी उपस्थित राहून सहभाग घेतला.
‘गावगाडा’ ही दौंडच्या लोकजीवनाशी आणि पारंपरिक संस्कृतीशी जोडलेली महत्त्वपूर्ण लोकपरंपरा आहे. समाजातील विविध घटकांना एकत्र आणत सामाजिक सलोखा, आपलेपणा आणि सांस्कृतिक वारसा जपण्याचे काम या परंपरेतून होते. बदलत्या काळातही अशा पारंपरिक कार्यक्रमांचे आयोजन करून आपल्या संस्कृतीचा वारसा पुढील पिढीपर्यंत पोहोचविणे महत्त्वाचे आहे.
यावेळी विद्यमान नगरसेवक इंद्रजीत जगदाळे पाटील, गटनेते जीवराज पवार, नगरसेवक रुपेश जाधव, प्रशांत धनवे यांच्यासह पदाधिकारी, कार्यकर्ते आणि नागरिक उपस्थित होते.
कार्यक्रमात पारंपरिक वेशभूषा, लोककला आणि वाद्यांच्या गजरामुळे उत्साहाचे वातावरण निर्माण झाले होते. नागरिकांनी मोठ्या संख्येने उपस्थित राहून या पारंपरिक सोहळ्याचा आनंद घेतला.
आपल्या शहराच्या सांस्कृतिक आणि लोकपरंपरेचा वारसा जपणे, हीच आपल्या पुढील पिढीप्रती असलेली जबाबदारी आहे.
✍🏻मुख्य संपादक – संदिप बारटक्के
