वृत्तवेध मarathi / संदिप बारटक्के
दौंड शहरामध्ये दरवर्षी मोठ्या उत्साहात साजरा होणाऱ्या शिवजयंती उत्सवाच्या आयोजनासाठी यावर्षीच्या उत्सव समितीची नुकतीच घोषणा करण्यात आली. सन २०२६ साठी शिवजयंती उत्सव समितीच्या अध्यक्षपदी बंडू लांबडे यांची एकमताने निवड करण्यात आली आहे. यावर्षी शिवजयंती रविवार, दिनांक १९ एप्रिल २०२६ रोजी साजरी होत असून उत्सवाच्या पार्श्वभूमीवर तयारीला सुरुवात करण्यात आली आहे.
शिवजयंती उत्सव यशस्वी आणि भव्यदिव्य करण्यासाठी विविध पदाधिकाऱ्यांची निवड करण्यात आली आहे.
समितीच्या उपाध्यक्षपदी श्रेयस सोनवणे, ओंकार घोलप, यश कुलथे, सतिश जाधव, गणेश कांबळे, भगवानदास तिवारी यांची निवड झाली असून कार्याध्यक्षपदी प्रमोद खांगल यांना जबाबदारी देण्यात आली आहे. उपकार्याध्यक्ष म्हणून विकी पवार यांची निवड करण्यात आली.
खजिनदारपदी दिनेश वीर तर सहखजिनदार म्हणून शुभम यादव, मंगेश माने, आशिष स्वामी यांची निवड करण्यात आली आहे. सचिवपदी विश्वजीत सोनवणे तर सहसचिवपदी शिवाजी मोरे यांची नियुक्ती झाली आहे.
तसेच व्यवस्थापक म्हणून अपुर्व लेले, ज्ञानेश्वर पळसे आणि दुर्गा सुरवसे यांची निवड करण्यात आली आहे.
दरम्यान, दौंड शहरातील शिवजयंती उत्सव १९ एप्रिल रोजी मोठ्या उत्साहात साजरा केला जाणार असून यासाठी समितीने जोरदार तयारी सुरू केली आहे.
✍🏻मुख्य संपादक – संदिप बारटक्के
