वृत्तवेध मarathi | संदिप बारटक्के
दौंड : राष्ट्रवादी महिला काँग्रेस (शरदचंद्र पवार पक्ष) यांच्या दौंड शहराध्यक्षपदी आरोही संदिपान वाघमोडे यांची नियुक्ती करण्यात आली आहे.या निवडीमुळे स्थानिक पातळीवर पक्ष संघटनेला नवी ऊर्जा मिळणार असल्याचे मानले जात आहे.
नियुक्तीपत्रात नमूद केल्याप्रमाणे, राष्ट्रीय अध्यक्ष खासदार शरदचंद्रजी पवार, राष्ट्रीय महिला अध्यक्षा श्रीमती फौजिया खान, खासदार सुप्रिया सुळे, प्रदेशाध्यक्ष शशिकांत शिंदे तसेच प्रदेशाध्यक्षा रोहिणी खडसे यांच्या मार्गदर्शनाखाली पक्ष संघटना अधिक मजबूत करण्यासाठी आपण प्रयत्नशील राहाल, अशी अपेक्षा व्यक्त करण्यात आली आहे.
तसेच, पक्षाची ध्येय-धोरणे सर्वसामान्य जनतेपर्यंत पोहोचवून पक्ष बळकटीसाठी सक्रिय योगदान द्याल, असा विश्वासही नियुक्तीपत्रातून व्यक्त करण्यात आला आहे.
आरोही संदिपान वाघमोडे यांच्या निवडीचे विविध स्तरांतून स्वागत होत असून, त्यांच्या नेतृत्वाखाली दौंड शहरात महिला आघाडी अधिक प्रभावीपणे कार्य करेल, अशी अपेक्षा व्यक्त केली जात आहे.
✍🏻मुख्य संपादक – संदिप बारटक्के
