वृत्तवेध मarathi/ संदिप बारटक्के
दौंड : रोटरॅक्ट चळवळीतील उल्लेखनीय कार्याच्या जोरावर रोटरॅक्ट क्लब ऑफ दौंड कॉलेजचे रोटरॅक्टर प्रज्वल बांडे आणि प्रेम बनसोडे यांनी पुन्हा एकदा दौंडचे नाव उज्वल केले आहे. रोटरी इंटरनॅशनल वर्ष २०२६-२७ साठी डिस्ट्रिक्ट ३१३१ (पुणे) मध्ये त्यांची महत्त्वाच्या पदांवर निवड जाहीर झाली आहे.
प्रज्वल बांडे यांची डिस्ट्रिक्ट ऑफिसर – इंटरॅक्ट रोटरॅक्ट रिलेशन (Elect) म्हणून तर प्रेम बनसोडे यांची डिस्ट्रिक्ट झोनल रिप्रेझेंटेटिव्ह (Elect) म्हणून निवड करण्यात आली आहे.
दोघेही यापूर्वी रोटरॅक्ट क्लब ऑफ दौंड कॉलेजचे अध्यक्ष म्हणून काम पाहिले असून त्यांच्या कार्यकाळात अनेक सामाजिक, शैक्षणिक व जनजागृतीपर उपक्रम यशस्वीपणे राबवण्यात आले होते.
त्यांच्या कार्याची दखल घेत नवनिर्वाचित डिस्ट्रिक्ट रोटरॅक्ट रिप्रेझेंटेटिव्ह (Elect) डॉ. करिष्मा आवरी यांनी त्यांच्यावर ही महत्त्वाची जबाबदारी सोपवली आहे.
विशेष म्हणजे, दौंड क्लबमधून प्रथमच दोन सदस्यांना जिल्हा कौन्सिलमध्ये काम करण्याची संधी मिळाल्याने क्लब सदस्यांमध्ये आनंदाचे वातावरण आहे.
या निवडीमुळे दौंडमधील तरुणांना सामाजिक कार्यात पुढे येण्यासाठी नवी प्रेरणा मिळणार आहे.
✍🏻मुख्य संपादक – संदिप बारटक्के
