वृत्तवेध मarathi / संदिप बारटक्के
दौंड : चैत्र पौर्णिमेच्या पावन मुहूर्तावर श्री दत्त पीठ दत्त मंदिर येथे धार्मिक आणि भक्तिमय वातावरणात विविध कार्यक्रमांचे आयोजन करण्यात आले होते. यामध्ये श्री हनुमान जयंती तसेच छत्रपती शिवाजी महाराजांची पुण्यतिथी मोठ्या श्रद्धाभावाने साजरी करण्यात आली.
कार्यक्रमाची सुरुवात भगवान श्री हनुमानाच्या पूजनाने झाली. यानंतर छत्रपती शिवाजी महाराजांच्या प्रतिमेस पुष्पहार अर्पण करून अभिवादन करण्यात आले. उपस्थित भक्तांनी “जय हनुमान” व “जय शिवराय”च्या घोषणांनी परिसर दणाणून सोडला होता.
यावेळी श्री दत्तगुरु व स्वामी समर्थ महाराजांची आरती मोठ्या भक्तिभावाने पार पडली. ही आरती श्री व सौ. वैष्णवी आरती सुळ, श्री व सौ. आरती दिनेश नांदे तसेच श्री व सौ. संध्या सचिन फराटे यांच्या शुभहस्ते संपन्न झाली. त्यांच्या हस्ते झालेल्या आरतीमुळे कार्यक्रमाला विशेष भक्तिमय रंग चढला होता.
कार्यक्रमानंतर या सर्व मान्यवरांचा श्री दत्त पीठ दत्त मंदिराच्या वतीने सन्मान करण्यात आला. मंदिराचे प्रमुख विश्वस्त श्री बुवा सावंत, विलास बर्वे, नगरसेविका सौ. स्वाती निलेश सावंत, नरेंद्र सावंत आणि निखिल सावंत यांच्या हस्ते सत्कार करण्यात आला.
यानंतर उपस्थित भाविकांसाठी महाप्रसाद पंगतीचे आयोजन करण्यात आले. श्री व सौ. वैष्णवी आरती सुळ यांनी महाप्रसादाचे आयोजन करून सर्वांना प्रसाद दिला.
कार्यक्रमाच्या यशस्वीतेसाठी निलेश सावंत, एकनाथ कोरडे, नितीन राऊत, राहुल हजारे, राकेश भोसले आदींनी विशेष परिश्रम घेतले. संपूर्ण कार्यक्रम भक्तिमय वातावरणात पार पडून शेवटी मंगलमय वातावरणात सांगता करण्यात आली.
✍🏻मुख्य संपादक – संदिप बारटक्के
