देवस्थान इनाम जमीन, इनामदार, पुजारी व सेवाधारकांच्या न्याय्य हक्कांसाठी ‘चला बोरमलनाथ!’ या घोषणेअंतर्गत महाराष्ट्रातील विविध समाजघटकांच्या वतीने विराट महामेळाव्याचे आयोजन करण्यात आले आहे. रविवार, दि. २७ सप्टेंबर २०२६ रोजी दुपारी १ वाजता श्री बोरमलनाथ देवस्थान, चौफुला, ता. दौंड, जि. पुणे येथे हा महामेळावा होणार आहे.
अखिल गुरव समाज संघटनेचे राष्ट्रीय अध्यक्ष ॲड. अण्णासाहेब शिंदे, परशुराम हिंदू सेवासंघाचे अध्यक्ष विश्वजित देशपांडे, दशनाम गोसावी परिषदेचे राज्य अध्यक्ष ओमप्रकाश गिरी आणि मराठवाडा हक्क परिषदेचे अध्यक्ष ॲड. राजेंद्र बन यांच्या नेतृत्वाखाली हा महामेळावा आयोजित करण्यात आला आहे.
देवस्थान इनाम जमिनीशी संबंधित प्रश्न, इनामदार, पुजारी व सेवाधारकांच्या हक्कांचे संरक्षण तसेच विविध समाजघटकांच्या न्याय्य मागण्यांसाठी या महामेळाव्यात व्यापक चर्चा व पुढील दिशा निश्चित केली जाणार असल्याचे आयोजकांनी सांगितले.
या महामेळाव्यास राज्यातील गिरी गोसावी समाज, सकल गुरव समाज, ब्राह्मण समाज, बैरागी समाज, वैष्णव समाज, घडसी समाज, कोळी समाज, लिंगायत समाज, फुलमाळी समाज, जंगम समाज तसेच अन्य समाजातील इनामदार, पुजारी व सेवाधारकांनी मोठ्या संख्येने उपस्थित राहावे, असे आवाहन करण्यात आले आहे.
‘आपल्या हक्कासाठी… आपल्या अस्तित्वासाठी… आपल्या न्यायासाठी!’ या भूमिकेतून आयोजित करण्यात आलेला हा महामेळावा आपल्या मागण्यांसाठी एकत्र येण्याचे व्यासपीठ असल्याचे आयोजकांनी म्हटले आहे. ‘एकजुटीने चला बोरमलनाथ, हक्कासाठी लढा—एकजुटीने लढा’ असा संदेश देत महाराष्ट्रभरातील समाजबांधवांनी या कार्यक्रमात सहभागी व्हावे, असे आवाहन करण्यात आले आहे.
मानव विकास संस्था, शेलापुरी, ता. माजलगाव, जि. बीड संचलित नागराज बांधकाम तंत्र हस्तकला अध्यापक महाविद्यालय, तेलगाव, ता. धारूरचे अध्यक्ष हरी गिरी, प्रा. लक्ष्मण गिरी, प्रा. तात्या पुरी, ह.भ.प. दत्ता महाराज गिरी, दशनाम गोसावी समाजाचे युवा नेते ज्ञानेश्वर गिरी, माजलगावचे बाजीराव गिरी, रवि बन, आसाराम गिरी, संजीव भारती, सुधाकर भारती, लता गिरी, सूर्यकांत गिरी, डिगंबर गिरी, महेश उद्धवराव गिरी तसेच पुणे येथील संतोष पुरी, भीमाशंकर गिरी, विश्वांबर गिरी, पंकज पुरी, गणेश गिरी, सुभाष गिरी आदींनी हे आवाहन केले आहे.
“ही केवळ सभा नाही; हक्क आणि अस्तित्वासाठीचा एल्गार!”
देवस्थान इनाम जमीन, इनामदार, पुजारी व सेवाधारकांच्या न्याय्य हक्कांसाठी महाराष्ट्रभरातील सर्व समाजबांधवांनी मोठ्या संख्येने उपस्थित राहून आपली एकजूट दाखवावी, असे आवाहन आयोजकांच्या वतीने करण्यात आले आहे.
देवस्थान इनाम जमीन, इनामदार, पुजारी व सेवाधारकांच्या न्याय्य हक्कांसाठी आयोजित करण्यात आलेल्या ‘चला बोरमलनाथ!’ विराट महामेळाव्यास महाराष्ट्रभरातील समाजबांधवांनी मोठ्या संख्येने उपस्थित राहावे. आपल्या हक्कांच्या प्रश्नांवर एकजुटीने आवाज उठवून समाजाची ताकद दाखविण्याची ही संधी आहे. त्यामुळे सर्व इनामदार, पुजारी व सेवाधारकांनी दि. २७ सप्टेंबर रोजी बोरमलनाथ येथे उपस्थित राहावे,
— हरी गिरी, अध्यक्ष, नागराज बांधकाम तंत्र हस्तकला अध्यापक महाविद्यालय, तेलगाव
✍🏻मुख्य संपादक – संदिप बारटक्के
