वृत्तवेध मarathi / संदिप बारटक्के
दौंड – भारतीय राज्यघटनेचे शिल्पकार, महान समाजसुधारक आणि विचारवंत भारतरत्न डॉ. बाबासाहेब आंबेडकर यांच्या जयंतीनिमित्त दौंड शहरात अत्यंत उत्साहपूर्ण आणि प्रेरणादायी वातावरणात अभिवादन कार्यक्रमाचे आयोजन करण्यात आले.
दौंडचे आमदार राहुल कुल, भाजप महिला आघाडीच्या प्रदेश उपाध्यक्षा कांचनताई कुल, पुणे जिल्हा दक्षिणचे जिल्हाध्यक्ष शेखर वडणे तसेच भाजपा दौंड शहर अध्यक्ष रितेश ओझा यांच्या मार्गदर्शनाखाली हा कार्यक्रम पार पडला.
कार्यक्रमाची सुरुवात डॉ. बाबासाहेब आंबेडकर यांच्या पुतळ्यास पुष्पहार अर्पण करून करण्यात आली. उपस्थित मान्यवर आणि भाजप कार्यकर्त्यांनी विनम्र अभिवादन करत बाबासाहेबांच्या महान कार्याचे स्मरण केले. यावेळी परिसर भक्तीमय आणि उत्साहपूर्ण वातावरणाने भारावून गेला होता.
या प्रसंगी नागेश बेलुरकर, यश कुलथे, राहुल भंडारी, रवी बंड, तन्मय पवार, प्रकाश पारदासनी, शुभम तोडकर, पंकज नांदखिले, नवनाथ जगताप तसेच सौ. रियाताई रामदासाने, सौ. सीमाताई शेंडे, सौ. सरिताताई कुल, सौ. मोनालीताई वीर आणि इतर मान्यवर मोठ्या संख्येने उपस्थित होते.
कार्यक्रमात बाबासाहेबांच्या समता, बंधुता आणि न्याय या मूलभूत विचारांना उजाळा देण्यात आला. त्यांच्या संघर्षमय जीवनातून प्रेरणा घेत समाजात सकारात्मक बदल घडवून आणण्याचा निर्धार सर्वांनी व्यक्त केला.
संपूर्ण कार्यक्रम शिस्तबद्ध, प्रेरणादायी आणि उत्साहपूर्ण वातावरणात यशस्वीरित्या संपन्न झाला.
✍🏻मुख्य संपादक – संदिप बारटक्के
