वृत्तवेध मarathi / संदिप बारटक्के
दौंड नगरपरिषदेच्या स्वीकृत नगरसेवकपदी नागरिक हित संरक्षण मंडळ, भारतीय जनता पक्ष, रिपब्लिकन पार्टी ऑफ इंडिया (आठवले साहेब गट) आणि पीपल्स रिपब्लिकन पार्टी (कवाडे साहेब गट) यांच्या विकास आघाडीचे राजु बारवकर व अमोल काळे यांची बिनविरोध निवड करण्यात आली.
दौंड नगरपरिषदेच्या सभागृहात पार पडलेल्या विशेष बैठकीत स्वीकृत नगरसेवक पदासाठीची निवड प्रक्रिया पार पडली. या निवडणुकीत राजु बारवकर व अमोल काळे यांच उमेदवारी अर्ज प्राप्त झाल्याने निवडणूक निर्णय अधिकाऱ्यांनी त्यांची स्वीकृत नगरसेवक म्हणून बिनविरोध निवड जाहीर केली.
या निवडीची घोषणा होताच सभागृहात उपस्थित नगरसेवक, पदाधिकारी तसेच विकास आघाडीच्या कार्यकर्त्यांनी टाळ्यांच्या गजरात नव-नियुक्त नगरसेवकांचे स्वागत व अभिनंदन केले. या निवडीमुळे नगरपरिषदेत विकास आघाडीची ताकद अधिक बळकट झाली असून शहराच्या विकासासाठी सकारात्मक निर्णय घेण्यास चालना मिळेल, अशी अपेक्षा व्यक्त करण्यात येत आहे.
✍🏻मुख्य संपादक – संदिप बारटक्के
