वृत्तवेध मarathi | संदिप बारटक्के
दौंड | शहरात भारतरत्न डॉ. बाबासाहेब आंबेडकर यांच्या १३५ व्या जयंतीनिमित्त भीम-शिव सोशल फाउंडेशनच्या वतीने भव्य “मिसळ महोत्सव” उत्साहात पार पडला. या उपक्रमांतर्गत सुमारे दोन हजार नागरिकांना मोफत मिसळचे वाटप करण्यात आले. शहरातील हजारो मिसळप्रेमींनी या महोत्सवात सहभागी होत मिसळचा आस्वाद घेतला.
कार्यक्रमाचे उद्घाटन नगराध्यक्षा दुर्गादेवी जगदाळे-पाटील, उपनगराध्यक्षा छाया थोरात तसेच शरयू वासुदेव काळे आणि ताशु यश जगताप यांच्या हस्ते करण्यात आले. यावेळी पुणे जिल्हा परिषद अध्यक्ष वीरधवल जगदाळे-पाटील, भाजप नेते वासुदेव काळे, राष्ट्रवादीचे नेते स्वप्नील शहा, नगरसेवक वसीम शेख, जिल्हा परिषद सदस्य साहेबराव पोळ, दीपक शहाणे, योगेश पटणी, इब्राहिम शेख, फिलीप धुमाळ, कालू धुमाळ, अशोक गायकवाड, ज्येष्ठ नेते नंदू (महाराज) बनसोडे, उमेश खेडेकर, योगेश डाबी आदी मान्यवरांची प्रमुख उपस्थिती होती.
कार्यक्रमाच्या यशस्वी आयोजनाबद्दल भीम-शिव सोशल फाउंडेशनचे अध्यक्ष नितीन गाडे आणि सचिव राजेश दाखले यांनी सर्वांचे आभार मानले.
या अनोख्या मिसळ महोत्सवाचे दौंड शहरभर कौतुक होत असून सामाजिक ऐक्य आणि उत्साहाचे हे सुंदर उदाहरण ठरले आहे.
✍🏻मुख्य संपादक – संदिप बारटक्के
