वृत्तवेध मarathi / संदिप बारटक्के
दौंड : जागतिक पर्यावरण दिनानिमित्त दौंड शहरात भारतीय जनता पार्टीच्या कार्यकर्त्यांनी मोठ्या उत्साहात वृक्षारोपण करून पर्यावरण संवर्धनाचा संदेश दिला. दौंडचे आरोग्यदूत व आमदार अँड. राहुल कुल, पुणे जिल्हा अध्यक्ष शेखर वढणे, दौंड शहर अध्यक्ष रितेश ओझा आणि दौंड शहर उपाध्यक्ष राहुल भंडारी यांच्या मार्गदर्शनाखाली हा उपक्रम उत्साहपूर्ण वातावरणात पार पडला.
पर्यावरणाचे संरक्षण आणि संवर्धन ही काळाची गरज ओळखून भारतीय जनता पार्टीच्या कार्यकर्त्यांनी वृक्षारोपणाचा संकल्प केला. या उपक्रमात मोनाली प्रमोद वीर, नागेश बेलुरकर, प्रकाश पारदासनी, यश कुलथे, महेश जगदाळे, रवी बंड यांच्यासह अनेक कार्यकर्त्यांनी सहभाग घेतला. सर्वांनी एकत्रितपणे वृक्षारोपण करत पर्यावरण रक्षणाची सामूहिक जबाबदारी स्वीकारली.
यावेळी उपस्थितांनी पर्यावरण संवर्धनाचे महत्त्व अधोरेखित केले. मानवी स्वार्थामुळे मोठ्या प्रमाणावर झालेली वृक्षतोड, वाढते प्रदूषण, जागतिक तापमानवाढ, अनियमित पाऊस आणि बदलते हवामान यांसारख्या गंभीर समस्यांवर मात करण्यासाठी वृक्षारोपण हाच प्रभावी उपाय असल्याचे मत व्यक्त करण्यात आले.
कार्यकर्त्यांनी नागरिकांना आवाहन करताना सांगितले की, केवळ झाडे लावणे पुरेसे नाही, तर त्यांचे संगोपन आणि संवर्धन करणेही तितकेच आवश्यक आहे. पर्यावरण रक्षणासाठी प्रत्येकाने पुढाकार घ्यावा तसेच महिलांनीही मोठ्या संख्येने अशा उपक्रमांमध्ये सहभागी व्हावे, असे आवाहन करण्यात आले.
आज लावलेले एक झाड भविष्यातील पिढ्यांना शुद्ध हवा, सावली आणि सुरक्षित पर्यावरण देऊ शकते. पर्यावरणाचे रक्षण ही प्रत्येकाची सामाजिक जबाबदारी असून हरित, स्वच्छ आणि निरोगी भविष्यासाठी सर्वांनी वृक्षारोपणाचा संकल्प करावा, असा संदेश या उपक्रमातून देण्यात आला.
जागतिक पर्यावरण दिनानिमित्त आयोजित करण्यात आलेला हा वृक्षारोपण उपक्रम सामाजिक बांधिलकी, पर्यावरणप्रेम आणि जनजागृती यांचे प्रेरणादायी उदाहरण ठरला. सहभागी कार्यकर्त्यांच्या उत्स्फूर्त प्रतिसादामुळे पर्यावरण संवर्धनाचा संदेश अधिक प्रभावीपणे समाजापर्यंत पोहोचला.
✍🏻मुख्य संपादक – संदिप बारटक्के
