वृत्तवेध मarathi / संदिप बारटक्के
दौंड : दौंड शहरातील जुन्या पिढीतील ज्येष्ठ नागरिक शोभाबाई माणिकलाल परदेशी (अवस्थी) यांचे अल्पशा आजाराने दुःखद निधन झाले. त्या ७९ वर्षांच्या होत्या. त्यांच्या पश्चात दोन मुले, एक मुलगी, सूना व नातवंडे असा मोठा परिवार आहे.
त्या दौंड नगर परिषदेच्या माजी उपनगराध्यक्षा हेमलता परदेशी यांच्या सासूबाई होत, तसेच स्वराज्य नागरी सहकारी पतसंस्थेचे चेअरमन व माजी नगरसेवक प्रवीण परदेशी आणि सामाजिक कार्यकर्ते धीरज परदेशी यांच्या त्या मातोश्री होत.
जीवनाच्या अखेरच्या प्रवासातही समाजाप्रती आपली बांधिलकी जपत शोभाबाईंनी मरणोत्तर नेत्रदान करून दोन अंध व्यक्तींना दृष्टीदान दिले. “मरावे परी नेत्ररूपे उरावे” या उक्तीचा प्रत्यय देत त्यांनी महान पुण्यकर्म केले आहे. त्यांच्या या दानशूर वृत्तीमुळे दोन अंधांच्या आयुष्यात नव्या प्रकाशाची पहाट उगवली आहे.
प्रवीण परदेशी हे स्वतःही रक्तदान, नेत्रदान व विविध सामाजिक उपक्रमांमधून गरजूंना रात्री-अपरात्री मदत करण्यासाठी ओळखले जातात. समाजसेवेची ही परंपरा त्यांच्या कुटुंबात रुजलेली असून, मातोश्रींनी केलेले नेत्रदान हे त्याचेच जिवंत उदाहरण ठरले आहे.
शोभाबाई परदेशी यांच्या निधनाने दौंड शहरात शोककळा पसरली असून विविध क्षेत्रांतून त्यांना भावपूर्ण श्रद्धांजली अर्पण करण्यात येत आहे. त्यांच्या स्मृतींना वृत्तवेध मarathi कडून विनम्र अभिवादन.
✍🏻मुख्य संपादक – संदिप बारटक्के
