वृत्तवेध मarathi : संदिप बारटक्के
दौंड नगर परिषदेतील अनुभवी नगरसेवक जीवराज पवार यांची दौंड नगर परिषदेच्या गटनेतेपदी निवड करण्यात आली आहे. त्यांच्या या निवडीमुळे नगर परिषदेच्या राजकारणात नवचैतन्य निर्माण झाले असून सर्व स्तरातून त्यांच्यावर अभिनंदनाचा वर्षाव होत आहे.
जीवराज पवार हे गेल्या अनेक वर्षांपासून सामाजिक व राजकीय क्षेत्रात सक्रिय असून त्यांनी नागरिकांच्या मूलभूत प्रश्नांसाठी सातत्याने पाठपुरावा केला आहे. पाणीपुरवठा, रस्ते, स्वच्छता, आरोग्य, शिक्षण तसेच शहराच्या सर्वांगीण विकासासाठी त्यांनी केलेले कार्य सर्वपरिचित आहे. त्यांच्या स्पष्टवक्तेपणा, संयमी नेतृत्वशैली व जनतेशी असलेला थेट संवाद यामुळे त्यांना कार्यकर्त्यांमध्ये आणि नागरिकांमध्ये विशेष विश्वास आहे.
गटनेतेपदाची जबाबदारी स्वीकारताना पवार यांनी नगर परिषदेतील सर्व सदस्यांना सोबत घेऊन काम करण्याचा निर्धार व्यक्त केला आहे. दौंड शहराच्या विकासासाठी सकारात्मक भूमिका घेत सत्ताधारी व विरोधी पक्ष यांच्यात समन्वय साधत नागरिकांच्या हिताचे निर्णय घेण्यात येतील, असे त्यांनी सांगितले.
त्यांच्या निवडीबद्दल नगर परिषदेतील सदस्य, विविध सामाजिक संघटना, पदाधिकारी, कार्यकर्ते व नागरिकांनी त्यांना मनःपूर्वक शुभेच्छा दिल्या आहेत. जीवराज बापू पवार यांचे नेतृत्व दौंड शहराच्या प्रगतीसाठी निश्चितच दिशादर्शक ठरेल, असा विश्वास व्यक्त करण्यात येत आहे.
✍🏻मुख्य संपादक – संदिप बारटक्के
