वृत्तवेध मarathi / संदिप बारटक्के
दौंड : येथील विठ्ठल मंदिरामध्ये संत शिरोमणी गोरोबा काका यांचा पुण्यतिथी सोहळा भक्तीमय वातावरणात पार पडला.
बुधवार दिनांक १५ एप्रिल रोजी सकाळी ७ वाजता विठ्ठल-रखुमाई ला अभिषेकाने कार्यक्रमाची सुरुवात झाली. सकाळी १० वाजता ह.भ.प. आत्माराम महाराज शेजुळकर यांचे कीर्तन झाले. कीर्तनादरम्यान पुष्पवृष्टी करण्यात आली, ज्यामुळे वातावरण अधिक भक्तिमय झाले.त्यानंतर मंदिराला दिंडी प्रदर्शना सोहळा मोठ्या उत्साहात काढण्यात आला.
दौंड शहर व परिसरातील सर्व कुंभार बांधवांनी एकत्र येऊन हा सोहळा उत्साहात साजरा केला. कीर्तनानंतर महाप्रसादाचे आयोजन करण्यात आले होते, ज्याचा लाभ अनेक भाविकांनी घेतला.
या कार्यक्रमाच्या यशस्वी आयोजनासाठी महेश शिर्के, पप्पू यादव, चेतक झोजे, वैभव वाघमारे, निखिल झोजे, गणेश माऊली झोजे, आकाश झोजे, राजवर्धन शिर्के, सोहम शिर्के, नवनाथ दिवटे, अजिंक्य गावडे आदींनी विशेष परिश्रम घेतले.
✍🏻मुख्य संपादक – संदिप बारटक्के
