वृत्तवेध मarathi : संदिप बारटक्के
दौंड – पुणे शहराचा झपाट्याने वाढत असलेला विस्तार लक्षात घेता पुणे जिल्ह्यातील तालुक्यांची ठिकाणे पुढील पन्नास वर्षांचा दूरगामी विचार करून विकसित करण्याची गरज आहे. नवनिर्वाचित नगरसेवकांनी केवळ आपल्या वॉर्ड किंवा प्रभागापुरते मर्यादित न राहता संपूर्ण शहराच्या एकात्मिक विकासाचा दृष्टिकोन ठेवून नियोजनबद्ध प्रयत्न केले पाहिजेत, असे मत अखिल भारतीय मराठा महासंघाचे राष्ट्रीय अध्यक्ष राजेंद्र कोंढरे यांनी व्यक्त केले.
कोंढरे हे दौंड नगरपरिषदेवर नुकत्याच निवडून आलेल्या नगराध्यक्षा व नगरसेवकांच्या सत्कार समारंभात बोलत होते. दौंड शहराचा विकास करताना बकालपणा निर्माण होणार नाही, याची विशेष काळजी नगराध्यक्षा व नगरसेवकांनी घ्यावी, असेही त्यांनी यावेळी सांगितले.
अखिल भारतीय मराठा महासंघ, दौंड शाखेच्या वतीने दौंड नगरपरिषदेच्या नवनिर्वाचित नगराध्यक्षा दुर्गाताई इंद्रजित जगदाळे व सर्व नवनिर्वाचित नगरसेवकांचा सत्कार करण्यात आला. या प्रसंगी माजी आमदार रमेश थोरात, माजी नगरसेवक नंदू पवार, महासंघाचे संयुक्त सरचिटणीस गुलाबदादा गायकवाड, दत्तात्रय सावंत, वैशाली नागवडे, महेश भागवत, इंद्रजित जगदाळे पाटील, गुरुमुख नारंग, राजेंद्र खटी, नंदू जगताप, विक्रम पवार, उमेश वीर, हनुमंत गाडे, अरुणा मोरे, प्रसाद गायकवाड, आदिनाथ थोरात, सचिन कुलथे, निलेश सावंत, आनंद पळसे आदी मान्यवर उपस्थित होते.
यावेळी नगराध्यक्षा दुर्गादेवी जगदाळे पाटील, नगरसेवक योगेश कटारिया, गटनेते जिवराज पवार व नगरसेविका स्वाती सावंत यांनी आपले मनोगत व्यक्त करून उपस्थितांचे आभार मानले.
कार्यक्रम यशस्वी करण्यासाठी गणेश काकडे, विकास जगदाळे, रोहन घोरपडे, दादा मोरे, अविनाश गाठे, प्रताप खानविलकर, शंतनु निंबाळकर, गणेश घोलप, राकेश भोसले व वैभव कदम यांनी विशेष परिश्रम घेतले.
कार्यक्रमाचे प्रास्ताविक शैलेश पवार यांनी केले, सूत्रसंचालन प्रा. दिनेश पवार यांनी केले तर आभार महेंद्र देसाई यांनी मानले.
✍🏻मुख्य संपादक – संदिप बारटक्के
