वृत्तवेध मarathi | संदिप बारटक्के
दौंड शहराच्या सर्वांगीण विकासासाठी आज भारतीय रेल्वेच्या पुणे जंक्शन अंतर्गत कार्यरत डीआरएम राजेश कुमार वर्मा यांची भेट घेण्यात आली. या बैठकीत दौंड शहरातील नागरिकांच्या सोयीसुविधांशी संबंधित महत्त्वपूर्ण विषयांवर सविस्तर चर्चा करण्यात आली.
यावेळी दौंड सेंट्रल रेल्वे इन्स्टिट्यूट (संगम कॉलनी जवळ) येथील रेल्वेच्या जागेत “नमो उद्यान” निर्मितीचा प्रस्ताव दौंड नगरपालिकेकडून मांडण्यात आला.
दौंड शहरातील नागरिकांना विरंगुळा, स्वच्छ व हरित वातावरण उपलब्ध व्हावे यासाठी रेल्वेच्या मोकळ्या जागेत सुशोभित, सुसज्ज आणि सर्वसमावेशक उद्यान विकसित करण्याबाबत सविस्तर निवेदन सादर करण्यात आले. शहराच्या वाढत्या लोकसंख्येच्या पार्श्वभूमीवर अशा उद्यानाची तातडीची गरज अधोरेखित करण्यात आली.
यावर डीआरएम राजेश कुमार वर्मा यांनी सकारात्मक प्रतिसाद देत संबंधित स्तरावर पाठपुरावा करून हा प्रस्ताव मार्गी लावण्यासाठी सहकार्य करण्याचे आश्वासन दिले.
या बैठकीला नगराध्यक्षा दुर्गादेवी जगदाळे-पाटील, मुख्याधिकारी अवधूत तावडे तसेच नगरसेवक इंद्रजित जगदाळे-पाटील उपस्थित होते.
✍🏻मुख्य संपादक – संदिप बारटक्के
